Хан-Уул дүүргийн хэмжээнд нийтийн эзэмшлийн гудамж талбайн цэцэрлэгт хүрээлэн, бичил цэцэрлэг, ойн төгөл, авто зам дагуух ногоон байгууламж бүхий 30 га талбайн зүлэгт талбай, мод, бут, сөөгний арчлалт хамгаалалтыг мэргэжлийн 10 байгууллага хариуцан ажиллаж байна. Арчилгааны ажлын хүрээнд: – Талбайн хог хаядлын түүвэр цэвэрлэгээ; – Мод, бут сөөгийг стандартын дагуу хэлбэржүүлэх, цэвэрлэгээний огтлол хийх; – Мод, бутны тогоо гаргах, хөрс сийрүүлэх; – Усалгаа бордоо; – Модны ишийг нарны төөнөлтөд түлэгдэж гэмтэх, хортон шавж, температурын хэлбэлзлээс хамгаалах зорилгоор шохойн уусмалаар будах; – Мод, бут сөөг шинээр болон нөхөн тарих; – Цэцэрлэгт хүрээлэн, бичил цэцэрлэгийн тоглоом, сандал, хогийн сав, явган хүний зам талбай, хөшөө дурсгалыг угааж, цэвэрлэх ажлууд тогтмол хийгдэж байна.