Оросын нефть тээвэрлэгч хоёр хөлөг онгоц Хар тэнгист ноцтойгоор эвдэрч, газрын тос асгарчээ. Тус улсын Өмнөд бүсийн тээврийн прокурорын газраас нийтэлсэн бичлэгийг харвал нэг танкерын нум бүрэн хугарсан байна.

Ослын улмаас дор хаяж нэг хүн амиа алдаад байна. Аврах ажиллагаанд чирэгч завь, нисдэг тэрэг болон 50 гаруй албан хаагч оролцов. Аврах ажиллагааны үр дүнд нэг цистернээс 13 хүнийг аварчээ. Хоёр дахь цистернд 14 хүн үлдсэн ч цаг агаарын таагүй нөхцөл байдлын улмаас ажиллагааг түр зогсоогоод байна. Гэхдээ тэдэнд онцгой байдлын үед хэрэглэх нөөц бий.

Осол Оросыг Крымээс тусгаарладаг Керчийн хоолой орчимд болжээ. Керчийн хоолой нь Оросын үр тарианы экспортын гол зам. Түүнээс гадна түүхий нефть, мазут, шингэрүүлсэн байгалийн хийн экспортод ашиглагддаг.

Путин уг хэрэг явдлыг шийдвэрлэхээр шадар сайд Виталий Савельеваар ахлуулсан ажлын хэсэг байгуулахыг тушаасан байна. Мөн эрүүгийн хариуцлага алдсан хэрэг үүсгэн шалгаж байна.

Хоёр хөлөг онгоц нь “Волгатанкер” компанийнх бөгөөд харьцангуй жижиг хэмжээтэй. Тэд тус бүрдээ 4300 орчим тонн нефть тээвэрлэж явжээ. Оросын түүхий нефтийг олон улсын хэмжээнд худалдаалахад ашигладаг танкер 120 мянга орчим тонн жинтэй, илүү том даацтай байдаг аж.