Цэвэр агаарт гарахыг хүсвэл саналаа өгөөрэй

Сурагчдын амралт удахгүй эхлэхтэй холбогдуулан иргэдийг цэвэр агаарт цагийг ая тухтай өнгөрөөх зорилгоор амралт, жуулчны баазууд руу нийтийн тээврийн тусгай маршрут гаргавал үйлчлүүлэх үү гэдгийг нийслэлээс санал авч эхлээд байна. Өвлийн улиралд Улаанбаатар хот дахь агаарын бохирдол оргилдоо хүрч, ханиад томуу ч дээд цэгтээ тулдаг. Ийм үед цэвэр агаарт гарах нь хүн бүрийн эрүүл мэндэд тустай. Гэвч ажлын өдрүүдэд тэр бүр явах бололцоо муу. Тэгвэл сурагчдын өвлийн амралт нэг сар орчмын хугацаанд үргэлжлэх энэ үеэр нийтийн тээврийн автобусаар зорчин, дараах газрууд руу хүрэх боломж бүрдэж мэдэх нь. Тиймээс та дараах https://docs.google.com/forms/d/e/1FAIpQLSdFuvARHDLlQKvBw4acX6PU33L7FA3aw8E8KhgcMoKZoOVLiA/viewform линкээр нэвтэрч саналаа өгөөрэй.

Нийтдээ найман асуулттай санал асуулгыг явуулж эхлээд байна. Санал асуулгад аль газарт хүрэхийг хүсч буй, мөн нийтийн тээврийн автобус үнэгүй үйлчлэх ёстой юу, эсвэл тохирсон үнэ хөлсөө авах ёстой юу гэдгийг нэгбүрчлэн асууж байна. Мөн амралтын өдөр, ажлын өдрийн алинд нь очих боломжтой вэ гэдэг судалгааг ч авч буй. Тиймээс та саналаа өгч идэвхтэй оролцоорой.

1. Гэр бүлээрээ цэвэр агаартай, ой мод бүхий амралтын газрууд руу тусгай автобусаар үйлчилбэл та үйлчлүүлэх үү?

Тийм

Үгүй

Амралтын өдрөөр очно

Ажлын өдрөөр очих боломжтой

Танд аль маршрут тохиромжтой байна вэ?

Офицеруудын ордноос Тэрэлж “Жигүүр” гэр бүлийн амралт
Сүхбаатарын талбайгаас Дугуй цагаан “Тохижилт бүхий талбай”
Сүхбаатарын талбайгаас Скай ресорт цанын бааз
Сүхбаатарын талбайгаас Хандгайт “My house” амралтын газар
Саппарогоос Найрамдал “Номун медикал” сувилал
Яармагийн I буудлаас Жаргалантын ам “Чингис хааны хүрээ” аялал жуулчлалын цогцолбор