МАН хамтарсан Засгийн газар байгуулах санаачлага гаргасан нэг үндэслэлээ хулгайтай тэмцэх гэж тодорхойлж байв. Гэвч хамтарсан Засгийн газар байгуулагдаад таван сар болж буй ч төрийн өмчит компаниудаас хулгай хийсэн хүмүүсийг өөрчлөхгүй, хариуцлага тооцохгүй байна” гэж УИХ-ын гишүүн Б.Пүрэвдорж мэдэгдээд буй.

Тэрбээр “Намайг том, том төслүүд хөдлөх ёстой. Хамтарсан Засгийн газар төслүүдийг хэрэгжүүлэх ёстой” гэхээр бүрэн дүүрэн дэмжээд байна гэж ойлгоод байж болохгүй. Монгол Улсад өөрчлөх ёстой олон зүйл байгаа. МАН Засгийн газар барьсан өнгөрсөн найман жилд олон хулгай гарсан.

Нүүрсний хулгай гэхэд 44 их наядын хохиролтой. Энэ их хулгайг хийхдээ улстөрчдийн удирдлага дор хуулийнхны хамгаалалт дор хийсэн. Тийм учраас О.Алтангэрэл сайд өөрчлөлт хийж чадахгүй сууж байна.

Сайдын албан тушаал өгсөн боловч яам, агентлагууддаа өөрчлөлт хийх боломж олгохгүй байгаа. Ардын намын сайд нар хулгай хийсэн тэр бүх хүмүүсээ хамгаалсан хэвээр л байгаа. Төрийн өмчийн томоохон компаниудааас хулгай зэлгий хийсэн. Олон хулгайч нараа соль л доо. Ерөөсөө хулгайч нараа солихгүй. Нэг төрийн өмчит том компанийн захирлыг тэвэрчихсэн, түүнийгээ хамгаалаад салдаггүй. Хуучинсаг нөхдүүд бүгдээрээ төрийн өмчит компаниудад захирлаар оччихсон.

Өнөөдрийн шинэ орчин нөхцөлд нийцэхгүй хүмүүсийг бүгдийг нь байлгаад өнөөх нь “Би геологич хүн геологийн салбараа мэдэж байна” гээд хуучинсагаар асуудалд хандаад ажил урагшаа явуулддаггүй.

Шинэ он гарч байна, арай өөр нөхцөл байдлаар та нар ажиллаач ээ. Энэ хүмүүсээ солиочээ.  Дунд шатанд найман жилийн туршид төрийн өмчит компанид хулгай хийсэн хүмүүсээ өөрчил л дөө. Манай Ардчилсан намын шинэлэг бодолтой хүмүүс төрд орж харилцан хяналттай байх ажлыг хийх ёстой. Энэ зүйлээ хийдэггүй. Найман сайд тавьчихаад болно гэж бодож болохгүй” гэв.

Энэ асуудлыг тэрбээр УИХ-ын өнгөрсөн Баасан гаригийн /2024.12.13/ нэгдсэн хуралдааны үеэр хөндсөн юм.

Г.ХОРОЛ