Арванхоёрдугаар сарын 12-ний Пүрэв гаригт болох үйл явдлыг тоймлон хүргэе.

08:30 ЦАГТ: 

• Улаанбаатар Галлериа”-д: Худалдаа, хөрөнгө оруулалтын “Mongolia Growth forum” форум болно. Гадаадын хөрөнгө оруулалтын хуулийн шинэчлэл, бодлогыг танилцуулах форумд олон улсын байгууллагууд оролцоно.
• МУИС-ийн төв байрны дугуй танхимд Нийслэлийн хөрсний асуудал ба шийдэл сэдвээр “Хотжилт ба хүрээлэн буй орчин-2024” зөвлөлдөх уулзалттай.

09:00 ЦАГТ: 

• “Блью Скай”-д: БОУАӨЯ, Дэлхийн банкнаас Байгаль орчинд нөлөөлөх байдлын үнэлгээний хуулийн нэмэлт өөрчлөлт, байгаль орчин, нийгмийн стандартын (ESF) нийцлийн тайланг танилцуулна. 
• Эдийн засаг, хөгжлийн яам (ЭЗХЯ) МҮХАҮТ хамтран “Монгол Улс, Евразийн Эдийн засгийн холбоо хоорондын чөлөөт худалдааны түр хэлэлцээрт бизнес эрхлэгчдийн оролцоо” сэдэвт хэлэцүүлэг зохион байгуулна.

10:00 ЦАГТ:

• “Новотел” зочид буудалд: Сонгуулийн эрх зүйн өнөөгийн байдал, цаашдын хандлагын талаарх олон улсын эрдэм шинжилгээний хурал болно.
• ЗТЯ-нд Зам, тээврийн салбарын цахим шилжилт, өргөдөл гомдлын модуль, шинэ техник технологи, инновац, хэрэглээ, цахилгаан тээврийг хөгжүүлэх боломжийн талаар танилцуулна.

11:00 ЦАГТ:

• Төв цэнгэлдэх хүрээлэнд: “Өвлийн идэш” өргөтгөсөн худалдаа эхэлнэ.
• “Монгол Ньюс” мэдээллийн төвд: Монгол нутгаас Плейстоцены үеийн эртний хүний олдвор олдсон шинэ нээлтийн талаар ШУА-ийн болон Польшийн Вроцлавын Их сургуулийн Археологийн хүрээлэнгээс хамтран мэдээлнэ.