Туркийн Гадаад хэргийн сайд Бямба гаригт Орос болон Ираны холбоотнуудтайгаа Катарын нийслэл Доха хотод уулзжээ. Талууд Сирийн босогчид болон үүсээд буй эмх замбараагүй байдлыг хэрхэн шийдвэрлэх талаар хэлэлцсэн. Хэдийгээр эдгээр улс Сирийн иргэний дайны үед эсрэг талуудыг дэмжиж байсан ч 2017 онд гал зогсоох хэлэлцээрийг байгуулснаар хамтран ажиллах болсон байдаг.

Тодруулбал, Ассадын засаг захиргаанд Орос, Ираны зүгээс цэргийн тусламж үзүүлж байсан бол Турк янз бүрийн босогчдын хөдөлгөөнийг шууд оролцоогүйгээр дэмжиж байв.

Сиритэй 900 километр хиллэж, гурван сая орчим дүрвэгсдийг нь хүлээн авсан Турк энэ удаа урьдын адил босогчдыг дэмжиж байсан гэж ажиглагчид үзэж байна. Тус улсын хувьд тулалдаанд шууд оролцоогүй ч Дамаскийг эзлэн авах босогчдын зорилгыг мэдэж байжээ. Энэ нь Сирид тогтвортой байдал, тэр дундаа дүрвэгсдийн аюулгүй бүсийг бий болгохыг хүсч буйг илэрхийлсэн гэж Атлантын зөвлөлтэй холбоотой Анкара дахь судлаач Омер Озкизилчик үзэж байна. Туркийн Ерөнхийлөгч Эрдоган Ассадыг ард түмэнтэйгээ эвлэрэхийг уриалж байсан ч өнгөрсөн долоо хоногт босогчдын хөдөлгөөнийг зогсоох гэж Орос шиг үйлдэл хийгээгүй.

Гэхдээ Дохад болох уулзалтын үеэр Сирид ноёрхох босогчдод хэт их эрх мэдэл олгохгүй байх талаар хэлэлцсэн гэж Анкарагийн засаг захиргааны эх сурвалж мэдээлэв.

Ассад уг уулзалтын хүрээнд Ердагонтой уулзахаас татгалзсан нь Орос, Ираны бухимдлыг төрүүлсэн. Гэсэн хэдий ч Сирид шилжилтийн засгийн газар байгуулах замыг нээж, Ассадын засаг захиргааг сөрөг хүчинтэй нэгтгэх арга замын талаар ярилцсан байна. Түүнчлэн шилжилтийн засгийн газрыг байгуулах тухай НҮБ-ын тусгай төлөөлөгч Кофи Аннан мөн адил уриалаад буй. Гэхдээ тулааны талбарт гар бие оролцсон хүмүүсээс илүүтэйгээр энх тайвныг чухалчилдаг гишүүд байх ёстой гэж мэдэгджээ.