Хэдхэн жилийн өмнө "CS"-ийн Мэйжор тэмцээнд Ази, Номхон далайн бүс нутгаас ердөө хоёр баг оролцдог байв. Энэ хоёрхон эрхийн төлөө тус бүс нутгийн бүхий л шилдгүүд өрсөлдөж, Австрали, Хятадын багууд өрсөлдөгчгүйгээр хувааж авдаг байсан нь нууц биш. Монголчууд ганцхан эрхийнх нь төлөө хүсч, шунаж, хөдөлмөрлөсөн ч хүрч чаддаггүй байсан цаг саяхан. Тэгвэл одоогийн "The MongolZ"-ийн ачаар монголчууд Мэйжор бүрээр багаа дэмжиж, үзэх, сонсох зүйлтэй болжээ.

Дан ганц монголчууд ч гэлтгүй Ази, Номхон далайн бүс нутаг "The MongolZ"-ийн сайн амжилтын ачаар "жаргаж" Шанхайн Мэйжороос эхлэн гурван багаа оролцуулдаг болов. Өөрөөр хэлбэл, Азиуд "CS" тоглож чаддаг гэдгийг монголчууд хангалттай харуулж, энэ бүс нутагт өөр авьяастнууд, шилдгүүд байгаа эсэхийг сонирхохоор Мэйжорын нэг эрх нэмсэн түүхтэй.

Олон улсын спорт бетийн компани болох "1xBet"-ийн албан ёсны хамтрагч "The MongolZ" баг Шанхайд түүх бүтээж байна. Тэд өөрсдийн арга барил, тактик, буудалтаар олныг гайхшруулж, Шанхайн Мэйжорын плей-оффын шатанд шалгараад буй.

Энэ амжилтын ачаар ирэх Мэйжорын "Elimination" шатанд Азиас нэг баг, "Opening" шатанд хоёр баг оролцохоор болжээ.

Одоо бол "Opening" шатанд Азиас гурван баг оролцож, "Elimination" шатны төлөө тоглодог. Харин ирэх Мэйжороос эхлэн Азийн тэргүүн баг нь шууд хоёрдугаар шатнаас тэмцээнээ эхлүүлж, үлдсэн хоёр нь эхний шатнаас өрсөлдөж эхлэх аж.

"The MongolZ" баг Шанхайн Мэйжорын "Elimination" шатанд гайхалтай тоглолтыг үзүүлсэн. Эхлээд тэд "Valve"-ийн чансааг тэргүүлэгч, хүчирхэг "G2 Esports" багийг 13-10 гэсэн харьцаатай хожсон. Үүний дараа мөн л дэлхийн шилдэг "MOUZ"-ийг нэмэлт цагт 16-13 гэсэн харьцаатай буулган авсан билээ. Харин сүүлд плей-оффын эрхийн төлөө "HEROIC"-ийн эсрэг гурван мап тоглохдоо 2-1 гэсэн харьцаатай хожиж, анх удаагаа сүүлийн шатанд шалгарсан юм.

Одоогоор "The MongolZ" болон Францын "Vitality" багууд л хожигдоогүй явна. Харин "G2 Esports", "Team Spirit", "FaZe Clan" зэрэг шилдгүүд нэг унаатай байгаа. Сонирхолтой нь, өмнөх Мэйжорын аварга "NaVi" тэмцээнээ өндөрлүүлжээ.

Плей-оффд шалгарсан амжилтаараа "The MongolZ" баг 45 мянган ам.долларыг халааслаад байна. Тэд плей-оффд шалгарахаасаа ч өмнө "Valve"-ийн дэлхийн чансааны гуравдугаарт бичигдэж, түүхэн дээд амжилт үзүүлсэн. Хэрэв "The MongolZ" энэ эрчээ хадгалбал Мэйжорын аварга болохыг ч үгүйсгэхгүй. Тэдний одоогийн тоглолт, буудалт зэргийг харвал аварга болоход асуудал алга.

Арванхоёрдугаар сарын 12-ноос 15-ны өдрүүдэд үргэлжлэх Шанхайн Мэйжорын плей-оффын шатанд монгол багаа дэмжицгээе.