Нийгмийн даатгалын ерөнхий газрын дарга Л.Мөнхзул, Татварын мэргэшсэн зөвлөхийн нийгэмлэгийн удирдах зөвлөлийн дарга бөгөөд ерөнхийлөгч Г.Алтанзаяа нар 2024 оны 06 дугаар сарын 13-ны өдөр Нийгмийн даатгалын хууль тогтоомжийн хэрэгжилтийг хангах, сургалт, судалгааны ажлуудыг хамтран зохион байгуулах зорилгоор “Санамж бичиг”-т гарын үсэг зурж, мэргэжлийн байгууллагын хамтын ажиллагааг албан ёсоор баталгаажууллаа.

Хамтын ажиллагааны хүрээнд Нийгмийн даатгалын багц хуулийг иргэд, олон нийтэд сурталчилан таниулах, оюутан, залуусын нийгмийн даатгалын мэдлэг, мэдээллийг нэмэгдүүлэхээс гадна нийгмийн даатгалын чиглэлээр судалгаа, эрдэм шинжилгээний ажил дээр хамтран ажиллах юм.

Нийгмийн түншлэлээр олон нийтэд нийгмийн даатгалын ойлголт, ач холбогдлыг ойлгуулан мэргэжлийн түвшинд хамтран ажиллах нь олон талын ач холбогдолтой болохыг талууд онцлон дурдаж байсан.