Хэт баруун ба зүүний намууд ерөнхий сайд Мишель Барниерд итгэл үзүүлэх эсэх талаар санал хураалт явуулна гэж мэдэгдсэн. Энэ нь Францын засгийн газар нуран унах магадлалтай болсныг илтгэж байв. Барниер хэт барууны "National Rally" намын эцсийн саналыг харгалзан үзэлгүйгээр нийгмийн хамгааллын төсвийг парламентын доод танхимаар дамжуулан эцэслэх шийдвэр гаргажээ. Үүний дараа сөрөг хүчний намууд уг саналыг өргөн барьсан юм.

Тэгвэл Францын парламентын доод танхим ерөнхий сайд Мишель Барниер болон түүний танхимд итгэл үзүүлэхгүй байх саналыг дэмжлээ.

Ийнхүү Мишель Барниерын засгийн газар тангараг өргөснөөсөө хойш ердөө хоёр сар хагасын дараа бөөнөөрөө огцрох төлөвтэй болов. Дотоодын хэвлэлүүдэд мэдээлснээр Францад 1962 оноос хойш анх удаа итгэл үзүүлэх эсэх талаар санал хураалт болж байна. Үүний үр дүн нь ерөнхийлөгч Эммануэль Макронд хүнд цохилт болж магадгүй. Яагаад гэвэл сөрөг хүчний намууд түүнээс ерөнхий сайдаар Барниерыг томилсных нь хариуцлагыг хэдийнэ эхэлжээ.

Төсвийн тухай хуулийн төсөл энэ онд багтаж батлагдах магадлал бага. Энэ нь Франц болон Европын бусад улсын эдийн засагт хэрхэн нөлөөлөх нь эрх баригчдын санааг зовоож байна.