Олон улсын хориг арга хэмжээний үр дүнд очир эрдэнийн хоёр том уурхайн Оросыг хувьцааг Оманы дэмжлэгтэй санд худалдсан гэж Ангол улсын эрх баригчид мэдэгдлээ. Тодруулбал, тус улсын төрийн өмчит "Endiama" компани Оросын очир эрдэнийн аврага Алроса компанитай хамтран дэлхийн дөрөв дэх том Каткоа уурхай болон Луеле уурхайг эзэмшдэг байсан. Гэвч Украинд хийж буй дайны улмаас Европын холбоо Орост очир эрдэнэ импортлохыг хориглосон бөгөөд нэгдүгээр сард төрийн өмчит Алроса болон гүйцэтгэх захиралд нь хориг арга хэмжээ мөн адил авчээ.

Энэ нь Каткоа болон Луелийн уурхайн очир эрдэнийг арилжааны эргэлтэд оруулахад саад учруулсан гэж Анголын Эрдэс баялаг, газрын тосны сайд Диамантино Азеведо мэдэгдэв.

Тэрбээр "Ангол, Оросын засгийн газар, түүнчлэн "Endiama" болон түнш компанийн хамтын үйл ажиллагаа албан ёсоор зогссон. Оронд нь Оманы Султанатын Үндэсний сангийн охин компани болох Маден Интернэшнл Групптэй хамтран ажиллах болсон" гэж онцолсон бөгөөд шилжилтийн үйл явц аль хэдийн эхэлсэн гэжээ. Түүнчлэн АНУ-ын ерөнхийлөгч Жо Байден арванхоёрдугаар сарын 2-нд Анголд айлчилсан бөгөөд үүнтэй холбогдуулан очир эрдэнийн хямдрал зарласан байв. Байдены хувьд Африкт анх удаа айлчилж, чухал ашигт малтмалыг экспортлох томоохон төслийн стратегийн ач холбогдлын хэрэгжилтийг онцлон тэмдэглэсэн байна.