Шанхайн Мэйжорын хасагдах шатанд өрсөлдөх багууд бүрэн тодорлоо. Нээлтийн шатны шийдвэрлэх тоглолтууд өчигдөр/2024.12.03/ өндөрлөж, гурван баг цааш шалгарч, гурав нь гэртээ харив. Эхний шатнаас шалгарсан найман баг хасагдах шатанд шууд шалгарсан Европын найман шилдэг багтай маргаашнаас эхлэн тоглоно.

Оноолт дараах байдлаар таарчээ.

1. G2 – The MongolZ
2. Natus Vincere – Liquid
3. Vitality – GamerLegion
4. Spirit – FURIA
5. MOUZ – paiN
6. FaZe – Wildcard
7. HEROIC – BIG
8. 3DMAX – MIBR

The MongolZ баг нээлтийн шатыг тэргүүлсэн учир хасагдах шатны тэргүүн багтай шууд оноолт таарав.

Хасагдах шатны эхний тойргийн тоглолтууд бүгд "BO1" буюу ганц тоглолтоор ялагчаа тодруулна. Харин хасагдах, дэвших, шийдвэрлэх тоглолтууд гурван тоглолтоор болох дүрэмтэй.

The MongolZ маргааш 11:00 цагаас G2 багийн эсрэг тоглоно. Хоёр баг өмнө нь хоёр удаа таарч 1:1 гэсэн харьцаатай байна. Өнгөрсөн дөрөвдүгээр сард ESL Pro лигийн 19-р улирлын үеэр учраа таарахад "The MongolZ" ялсан бол сүүлд долдугаар сард дэлхийн аваргаар таарахад "G2" ялжээ. "G2" багийн сүүлийн үеийн форм тун сайн байгаа. Тэд саяхан Сингапурт болсон "BLAST Premier World: Final" тэмцээнд түрүүлсэн билээ.

"Valve"-ийн чансаагаар "G2" баг нэгдүгээрт бичигдэж, "The MongolZ" баг тавдугаар байрт бичигдэж байна.