Хүний эрхийн үндэсний комисстой хамтарч ажиллана

Засгийн газрын Хяналт хэрэгжүүлэх газрын дарга Ч.Өнөрбаяр Хүний эрхийн үндэсний комисс дээр ажиллалаа. Уулзалтад Засгийн газрын Хяналт хэрэгжүүлэх газрын дарга Ч.Өнөрбаяр, Хүний эрхийн үндэсний комиссын дарга Д.Сүнжид, Засгийн газрын Хяналт хэрэгжүүлэх газрын хуулийн зөвлөх Б.Аз, Засгийн газрын Хяналт хэрэгжүүлэх газрын Менежментийн багийн Ахлах менежер Г.Бүүвэйхүү, Хүний эрхийн үндэсний комиссын Гомдол, хяналт шалгалтын хэлтсийн дарга Г.Ууганбаатар нар оролцлоо.

Засгийн газрын Хяналт хэрэгжүүлэх газрын 2025 оны ажлын төлөвлөгөөний дагуу Засгийн газрын харьяа Захиргааны байгууллагуудын хүнд суртлыг арилгах, иргэдэд чирэгдэл учруулдаг дүрэм журмуудыг цэгцлэх, хүний эрхийн зөрчил үүсгэдэг зөрчлүүдийг арилгахаар төлөвлөн ажиллаж байна. Хүний эрхийн үндэсний комисст энэ чиглэлээр хамтран ажиллах хүсэлт тавилаа.

Хүний эрхийн үндэсний комиссын дарга Д.Сүнжид:

-Хэм хэмжээний актыг цэгцлэх, анхаарах цаг нь болсон. Захиргааны байгууллагууд өөрсдийн хэм хэмжээнээс давсан дүрэм журам баталдаг болсон нь явж явж хүний эрх дээр ирдэг. Хуулийн зарчим бол системээр нь асуудлыг шийдэх юм. Хүний эрхийн үндэсний комисс дээр ирсэн иргэдийн гомдлыг шилжүүлэх, шийдэх асуудал дээр хамтран ажиллах хүсэлтэй байгаагаа илэрхийллээ.

Засгийн газрын Хяналт хэрэгжүүлэх газар, Хүний эрхийн үндэсний комисстой улирал бүр санал, мэдээлэл солилцох уулзалт зохион байгуулан хамтарч ажиллахаар боллоо.

4 сэтгэгдэл

Хариулахаа болих

зочин 6 цагийн өмнө 139.5.219.185

Төрийн хяналтыг одоо байгаа бүтцээр Хүний эрхийн комисстой нийлээд ч барахгүй дээ.
Наад Хүний эрхийн комисст чинь хийх ажил баймаар юм. Тарамдаад хаячихсан бүх чиглэлийн хяналтаа дахин нэгэтгэж
жинхэнэ мэргэжлийн хяналтын үр нөлөөтэй бүтцээ эхлээд бий болго. Дараа нь уначихсан байгаа хяналтаа сэргээ.