Амгалан цахилгаан дулааны станцад өчигдөр /2024.12.03/осол гарч, тодорхойгүй хугацаагаар дулаан тасрах тухай мэдээлэл цахим орчинд тархаад байсан юм. Энэ талаар тус станцын ерөнхий инженер Ч.Цогтсайханаас тодруулахад “Тийм асуудал болоогүй, худал мэдээлэл” гэж хэлэв.

Харин Эрчим хүчний яамны төрийн нарийн бичгийн дарга Н.Тавинбэхээс уг асуудлыг лавлахад, “Осол болсон нь үнэн. Гэхдээ яаралтай арга хэмжээ авч ажилласны дүнд станцын үйл ажиллагааг хэвийн болгосон” гэлээ. Амгалан дулааны станц нь хотын зүүн бүсийн айл өрх, аж ахуйн нэгж 50 мянган айлын орон сууцыг дулаанаар хангадаг бөгөөд салбарын удирдлагуудын хэлж байгаагаар хэвийн ажиллаж байгаа аж.

Д.ЭНХБАЯР