Өнөөдөр /2024.12.03/ болох үйл явдлын хураангуйг хүргэж байна. 

• 10:00 цагт: УИХ-ын ажлын хэсэг, байнгын хороодын болон чуулганы нэгдсэн хуралдаан болно.

• 10:00 цагт: “Эмнести Интернэшл”, Тогтвортой хөгжлийн төлөө сэтгүүлчдийн клуб хамтарч "Хүний эрх ба төсөв, тэгш байдал" уралдааныг зарлаж байна. ХЭҮК-ын байр.

• 11:00 цагт: Говийн их дархан цаазат газрыг хамгаалах, Нарансэвстэйн боомтыг нээхийг эсэргүүцэж Говь-Алтай, Баянхонгор аймгийн зарим сумын нутгийн зөвлөл, “Хавтгай, Мазаалай их говийг хамгаалах” ТББ, иргэдийн төлөөлөл хэвлэлийн бага хурал хийнэ. "Монгол Ньюс" мэдээллийн төвд.

• 11:30 цагт: Сэтгүүл зүйн хараат бус байдалд халдах, ажил үүргээ гүйцэтгэсэн сэтгүүлчдийг гүтгэх, нэр төр, алдар хүндийг гутаах үйлдлийг удаа дараа гаргаж буй нэр бүхий эрх мэдэлтнүүдийг хуулийн байгууллагаар шалгуулах талаар мэдээлэл хийнэ. “Зууны мэдээ” сонины “Үндэсний мэдээллийн төв”-д.

• 11:40-13:40 цагт: “Блью Мон” төвийн "Norphei Art" галерейд: Хөгжлийн бэрхшээлтэй хүмүүсийн олон улсын өдрийг тохиолдуулан “Хөгжлийн бэрхшээлтэй залуучууд манлайлалд” фото зургийн үзэсгэлэнгийн нээлт болно.