Шанхайн Мэйжорын гурав дахь өдрийн тоглолтууд өнөөдөр/2024.12.02/ үргэлжилж байна. Одоогоор Монголын "The MongolZ" болон АНУ, Нидерландын "Liquid" багууд хасагдах шатанд шалгарч, Бразилын "Imperial", Их Британийн "Fnatic" багууд гэртээ харьсан. Тэгвэл үлдсэн багуудаас хэн нь цааш шалгарч, хэн нь хасагдах вэ гэдэг тулаанууд үргэлжилж байна.

Гэртээ харих гурав дахь багаар Хятадын "Rare Atom" тодров. Тэд тэмцээнийг 0-2 гэсэн амжилттай эхлүүлж, өчигдөр "Fnatic"-ийг хожиж, амьд үлдсэн. Гэвч өнөөдрийг давсангүй. Бразилын "MIBR" багт 1-2 гэсэн харьцаатай хожигджээ. Тэгвэл Бразилын өөр нэгэн баг болох "FURIA" баг дөрөв дэх тоглолтдоо Германы "BIG"-ийг хожиж, дараагийн шатанд шалгарчээ.

Яг одоо гэртээ харих эсэхийг шийдэх хариуцлагатай, өрсөлдөөнтэй тоглолтууд үргэлжилж байна.