УИХ дахь Ардчилсан намын бүлгээс мэдээлэл хийлээ.

УИХ дахь Ардчилсан намын бүлгийн дарга О.Цогтгэрэл: 

УИХ дахь Ардчилсан намын бүлэг гурван асуудлаар мэдээлэл сонслоо. Нэгдэх нь, Улаанбаатар хотын түгжрэлийг бууруулах 20 минутын хот бодлогын хүрээнд хэрэгжүүлж байгаа арга хэмжээний мэдээллийг сонслоо.

Хоёрт, 2025 оны төсөвт Ерөнхийлөгч хориг тавьсантай холбоотойгоор шинэ нөхцөл байдал үүсч,дэгийн хувьд зохицуулах шаардлага үүссэнээр Засгийн газраас Төсвийн хууль өргөн барьсан тул Сангийн сайдын мэдээллийг сонслоо.

Гуравт, нь Ардчилсан намын бүлэг өнгөрсөн долоо хоногт Конрад Аденауэр сан хамтраад хэлэлцүүлэг зохион байгуулсан. Үүнтэй холбоотойгоор УИХ-ын тогтоолын төсөл өргөн барих нь зүйтэй гэдэг шийдвэр гарсан. Энэ хүрээнд чөлөөт зах зээлийг хөгжүүлж, хувийн өмч, эдийн засгийн эрх чөлөөг хамгаалах тухай утга санаа агуулгын хүрээнд дөрвөн зүйл заалттай тогтоолын төсөл өргөн мэдүүлэх нь зүйтэй гэж үзсэн.

Нэгдүгээрт, хувийн өмчийг төрөөс дур мэдэн хурааж дайчлах. Олгосон эрхээ цуцлах болон хувийн өмчид бусад этгээд халдан түрэмгийлэх явдлыг таслан зогсоох чиглэлээр хууль эрх зүйн орчныг боловсронгуй болгож, хуулийн төсөл боловсруулж УИХ- дөргөн мэдүүлэхийг Засгийн газарт үүрэг болгосугай.

Хоёрдугаарт, УИХ-аар хуулиар тогтоогоогүй бол тухайн бизнесийн салбар чиглэлд төрийн өмчит компанийг нэмж байгуулахыг хориглох тухай төслийг Засгийн газраар боловсруулах нь зүйтэй.

Гуравт, төр өөрийн олгосон лиценз, зөвшөөрөл эзэмших, ашиглах гэрчилгээнийхээ баталгаат байдал, зөвшөөрөл эзэмшигчийн өмнө үүрэг хүлээх нөхцлийг тодорхой зохицуулж, холбогдох хуулийн төслийг УИХ-д өргөн мэдүүлэх,

Өрсөлдөөнт зах зээлийг хөгжүүлж, гадаад худалдааг хөнгөвчлөх, тарифыг бууруулах, уул уурхайн бус экспортын салбарыг урамшуулан дэмжих, жижиг дунд бизнесүүдийн санхүүжилтийн өртгийг бууруулах, санхүүгийн салбарын либералчлалыг эрчимжүүлэх чиглэлээр боловсруулж танилцуулахыг үүрэг болгох чиглэлээр Ардчилсан намын бүлгээс тогтоолын төсөл өргөн барих нь зүйтэй гэж үзсэн.

Ардчилсан намын ерөнхий нарийн бичгийн даргын үүрэг гүйцэтгэгч Н.Ганибал: 

-Өнгөрсөн долоо хоногт Ерөнхий сайд аймгийн Засаг дарга нарыг батламжилснаар ажилдаа орлоо. Харамсалтай нь, нэг хүний саналын зөрүүнээс үүдэлтэйгээр хууль зөрчих гэсэн үйлдэл гарч байна. Тухайлбал, орон нутгийн сонгуулийн үеэр Орхон аймгийн Иргэдийн төлөөлөгчдийн хуралд МАН-аас нэр дэвшигчид хуулийн хугацаандаа бүртгүүлээгүйгээс  бүгдээрээ нэр дэвших эрхгүй болсон ч шүүхийн шийдвэр нь тэдний талд гарсан. Ингэснээр Ардын намаас нэр дэвшигчид 21, Ардчилсан намаас нэр дэвшигчид 20 суудал авсан. Тэд өнөөдөр хууль зөрчдөг хэвээрээ байна.

Ард түмнээс санал авсан төлөөлөгч нарыг татуулах гэсэн хууль бус үйлдлийг хийж байна. Хууль хүчний байгууллагатай хамтраад.  Гүйцэтгэх ажиллагаа хүртэл явуулсан асуудал байна.

Сонгуулийн хуульд сонгуулийн цаг хугацаанд намын үйл ажиллагаа явуулахыг хуулиар хориглоогүй. Сонгуулийн үеэр намаас зохион байгуулсан үйл ажиллагааг хууль зөрчсөн мэтээр харлуулж, хүүхэд хөгжлийн картыг хууль зөрчсөн гэж шүүхэд хандаад явж байна.

Ард түмэн сонголтоо хийчихээд байхад хууль зөрчигчид өөрсдийн эрх мэдлээ баталгаажуулах үүднээс аймгийн ИТХ-д нэр дэвшиж ялсан хүмүүүсийг татуулах гэсэн оролдлого хийж буй нь гутамшигтай үйлдэл гэдгийг тэр нөхдүүдэд хэлэхийг хүсч байна гэлээ.

Г.ХОРОЛ