Монголын волейболын холбооны үндэсний дээд лигийн 2024-2025 оны улирлын "Бүх оддын тоглолт" өнөөдөр/2024.12.01/ Степпе аренад болно. Монголын волейболын баяр гэж хэлж болохуйц энэ өдөр лигийн шилдгүүд нэг баг болж өрсөлдөхөөс гадна ур чадвараа уралдуулж, олон сонирхолтой байдлаар аваргуудаа тодруулна.

Мөн холимог оддын тоглолт болох хуваарьтай. Урлаг, спорт, нийгмийн алдартнуудаас бүрдэх энэхүү тоглолтод хэн гялалзах вэ? Багуудын нэрс ч тодорч, тамирчдаа хуваарилжээ. Энэ жилийн хувьд багуудыг "Marvel" болон "DC" гэж хоёр хуваасан бөгөөд "Marvel" багийн онцлох тоглогч гэвэл Фантастик продакшны жүжигчин М.Баярбат. Харин "DC" багт улсын аварга О.Хангай бий. О.Хангай аваргыг шаггүй волейболчин гэж мэдэх хүмүүс нь ярьдаг. Тэгвэл үүнийг нүдээрээ харах боломж гарчээ.

Та бүхэн энд дарж, бүх оддын тасалбараа аваарай.

"Бүх оддын тоглолт"-д хамгийн өндөр санал аван сонгогдсон лигийн тамирчдыг танилцуулж, багт хуваах драфтын үйл ажиллагаа болов.

Санал асуулгаар хамгийн өндөр санал авсан эрэгтэй, эмэгтэй тамирчид хоёр багт хуваагдсан бөгөөд зарим тамирчдын хувьд өөрсдийн хүсэлтээр нэрээ татжээ.

Ингээд та бүхэнд "Бүх оддын тоглолт"-д сонгогдсон эмэгтэй тамирчдыг танилцуулъя.

Эмэгтэй тамирчдаас Л.Хосбаяр, Г.Хонгорзул, Г.Саруулгэрэл тэргүүтэй тамирчид энэ жил "Бүх оддын тоглолт"-д оролцохгүй болсон нь хөгжөөн дэмжигчдэд таалагдсангүй.

Эрэгтэйчүүдээс дараах тамирчид сонгогджээ.

Мөн Б.Батсуурь, киргизстан легионер Онолбек тэргүүтэй тамирчдыг харах хүсэлтэй хүмүүс олон байв.

Мөн үзэгчдэдээ дараах зөвлөмжийг хүргэж байна.