Лигийн зүгээс Дархан Юнайтед арена ашиглалтад орсонтой холбоотойгоор Дархан хотод аялан тоглолтуудыг хийх болсон. Тэгвэл дараагийн аялан тоглолт өнөөдөр /2024.11.30/ болно. Энэ удаад бид Монголын эмэгтэй лигийн тоглолтыг онцлохоор шийдлээ.

УЛААНБААТАР АМАЗОНС VS АОДЭ М ВИНКС

Улирлыг хожигдолгүй өнгөлж буй амазонсчууд энэ өдөр МУИС-ийн охидыг гол цөмөө болгосон Винксын эсрэг тулна.Хоёр багийн улиралд үзүүлж буй амжилт тэнгэр газар шиг ялгаатай ч энэ өдөр тийм ч хол онооны зөрүүтэй тоглолт болохгүй л болов уу.

Лигийн завсарлага дууссанаас хойш тэд аль хэдийн нэг нэг тоглолтыг хийгээд амжжээ. Эдгээр тоглолтод амазонсчууд гайхалтай тоглолтоо үргэлжлүүлж арван жилийн охидыг асуудалгүй хожсон бол Винкс хүчирхэг Аравтад хожигдов. Гэхдээ тэд тун сайн өрсөлдөөнийг үзүүлсэн. Улирал эхэлснээс хойш хүссэн хүлээлтдээ хүрч чадахгүй байгаа ч энэ тоглолтод агуулгаараа энэ тэнцүү байлаа. Ялангуяа тэдний самбарын хослол  Э.Нарангоо, Ж.Мөнхсувд нар лигийн шинэхэн ихэр цамхаг Б.Солонго болон Б.Болор-Эрдэнэ нарыг тун сайн хязгаарласан. Магадгүй 30 удаа бөмбөгөө алдаагүй бол үр дүн өөр байх боломжтой байлаа.

Улаанбаатар Амазонс багийн хамгийн том давуу тал самбарын тоглогчид. Б.Ариунцэцэг, Берг Грэйс нар энэ улиралд тун онцгой байгаа. Гэхдээ Винксд тэдний эсрэг сайн өрсөлдөөн үзүүлж чадах төвийн тоглогчид бий. Мөн урд шугамд Н.Нандинхүсэлийн эсрэг Б.Гэрэлмаа гэсэн өрсөлдөөн тун сонирхолтой болох биз. Иймээс Аэдо М Винкс маргааш сайн тоглолт үзүүлэх болов уу.

Бидний санал болгох сонголт +35.5 handicap.