Хүүхэд хамгааллын ажилтан охиныг авахаар очих үед үс нь ноосорч хатуурсан, биеэр нь дүүрэн тууралттай байсан төдийгүй биеийн зөв бус хөгжилтэй хүүхэд шүүгээнд байсан гэж орон нутгийн хэвлэл мэдээлсэн байна. Прокурорууд ээжийг нь хүүхдэд харгис хэрцгий хандсан хэргээр дөрвөн зүйл ангид буруутгажээ. Мөрдлөгийн явцад тухайн ээж нь гэртээ найз залуу, бусад хүүхдүүдийнхээ хамт амьдардаг байсан нь тогтоогдож, гурван настай охиныг дөнгөж төрсөн цагаас нь эхлэн шургуулгад нуусан байна.

Охиныг эмнэлгийн байгууллагад хүргэх үед ноцтой хоол тэжээлийн дутагдал, шингэн алдагдалд орсон байжээ. Түр асран хамгаалагч нь охиныг өөрийн хүүхэд шигээ бодож асарч байгаа тул богино хугацаанд сайжирч байгаа гэсэн байна. Ээж нь гэх эмэгтэй охиноо нэг ч удаа хөхүүлж байгаагүй бөгөөд гурван жилийн турш хоосон тариур ашиглаж сүү өгдөг байжээ. Эмч нарын хэлж буйгаар, охин тагнай нь сэтэрхий төрсөн бөгөөд арван сартай хүүхэд шиг сэтгэдэг. Мөн тухайн ээж "Covid-19"-ийн хөл хорио болон хүчирхийлэгч хамтрагчаас болж урт хугацаанд сэтгэцийн асуудалтай болсон нь тогтоогдсон байна.

Эмэгтэйн шинэ найз залуу цуг амьдардаг байх хугацаандаа хэзээ ч нялх хүүхэд байгааг мэдээгүй. Гэхдээ нэг өдөр ажлаасаа эрт тарж, найз охин болон түүний хүүхдүүд гэртээ ирээгүй байхад нь харьжээ. Нойлын өрөөнд байхад нь хажуу өрөөнөөс сонин чимээ сонсогдож байсан тул очиж шалгаснаар тухайн гурван настай охиныг олж, цагдаагийн байгууллагад мэдэгдсэн байна.