Тэргэнцэртэй иргэдийн Ази, Номхон далайн бүсийн семинар өнөөдөр Улаанбаатарт эхлэнэ. Уг семинарт Монгол, Япон, Балба, Пакистан, БНХАУ, Тайвань, Тайланд, Өмнөд Солонгос зэрэг Ази, Номхон далайн орнуудын төлөөлөгчид оролцох юм.
Семинарыг Монголын тэргэнцэртэй иргэдийн “Түгээмэл хөгжил” төвийнхөн зохион байгуулж байгаа бөгөөд тэргэнцэртэй иргэдийн хараат бус амьдралын төлөө үйл ажиллагаа явуулдаг тус төвийнхөн энэ удаагийн олон улсын семинарыг Улаанбаатарт зохион байгуулах эрхийг аван ийнхүү зохион байгуулж байгаа ажээ.
Б.Мандах