Дээд лигийн өнөөдрийн/2024.11.28/ эхний тоглолт “ИНҮТ Yes TLG” vs “Эрдэнэт Майнерс”. “ИНҮТ Yes TLG” багийн хувьд энэ улирал хүлээлтээс дээгүүр амжилт үзүүлж байгаа гэхэд хилсдэхгүй. Тэд хүснэгтийн зургадугаар байрт, 4-4 амжилттай бичигдэж байгаа ба тэр дундаа өнгөрсөн хоёр улирлын дэд аваргууд Бишрэлт Металл болон энэ жил томоохон зорилго тавиад буй Дархан Юнайтед, SG Эйпс багуудыг хожжээ.

Тэдний сайн тоглолт юутай холбоотой вэ?

Бүрэлдэхүүний дундаж насаараа лигийн хамгийн залуу багт тооцогдох тэдний гол хөзөр эрч хүч. Өрсөлдөгч багаа тоглолтын турш шахсан хамгаалалтаар дарамталж, зөрөөд довтолгоон дээр хурдтай, гүйлт ихтэй тоглолтоороо эсрэг багийн хэмнэлийг алдагдуулж чадаж байгаа. Иймдээ ч тэд 84.7 оноог дунджилж, эсрэг багтаа 86.1 оноог алдсан цацаа цалгиа ихтэй тойргийг өнгөрүүлсэн. Гэхдээ энэ тойрогт байдал өөрчлөгдөх боломжтой. Учир нь тэд Монголын лигт бараг л улирал бүр ирдэг Маркус Хаммондс, Энтони Харрис нарыг явуулж, оронд нь шинэхэн импортуудыг авчирчээ.

Энтони Харрисын хувьд энэ улирал гайхалтай тоглолтыг үзүүлж багаа хожилд хөтөлж байсан ч тэд түүнийг өнгөрсөн улирал “Завхан Бродерс” багт хүчин зүтгэж байсан Жалил Триппээр сольжээ. Багийн найруулга, хэмнэлийг удирдах тал дээр Трипп Харрисаас дутахгүй ч оноо авах чадвар болон багийн тоглогчдоо манлайлах зэргээр түүнд хүрэх нь юу л бол.

Тэдний хоёр дахь импорт Кенни Воотэн Жр. Түүний хувьд NBA-ын хэд хэдэн багт хүчин зүтгэж байсан ба өндөр түвшний хамгаалалтын ур чадвартай гэж яригдаж байгаа ч TLG багт хэрэгтэй довтолгооны оноо авагч байж чадах эсэх нь эргэлзээтэй. Учир нь түүний намтар дээрх онцлох үзүүлэлтүүд бүгд л хамгаалалттай холбоотой. Ямартай ч түүнийг хэрхэн дасан зохицохыг удахгүй харах биз.

Эрдэнэт Майнерс багийн хувьд ч энэ завсарлагаагаар зүгээр суусангүй. Багийн ахлагч Н.Золжаргал багтайгаа нэгдсэн ба тэд эцэст нь бүрэн бүрэлдэхүүнээрээ цугларав. Эхний тойрогт авчраад байсан импортоо явуулж оронд нь Бишрэлт Металл багт ирээд байсан Маккензи Мүүр болон Макси Ишо нарыг эгнээндээ нэгтгэжээ. Макси Ишогийн хувьд эхний тоглолтоо Бишрэлт Металл багийн эсрэг хийгээд амжсан ба хамгаалалт, довтолгоонд тун давгүй шидэлт сайтай хоёр талт тоглогч байв. Мөн тус тоглолтод шигшээ багийн гарааны холбогчоор тоглосон Г.Болор-Эрдэнэ сайн тоглолтоо үргэлжлүүлж байгаа харагдсан. Тэд хүснэгтийн хомоол хамсаар байгаа ч сүүлийн 5 тоглолтдоо хамгийн ихдээ 9 оноогоор л хожигджээ.

Иймээс бидний зүгээс асуудлаа бага багаар засаад буй Эрдэнэт Майнерс багт  (+7) handicap-ийг санал болгож байна.