Жүдо бөхийн энэ оны сүүлийн Гранд Слам Токио хотноо ирэх арванхоёрдугаар сарын 7-ны өдөр эхэлнэ. Энэ удаагийн Токиогийн Гранд Сламд таван тивийн 47 орны 245 жүдоч уран мэх, ур ухаанаа уралдуулна. Монгол Улсаа төлөөлөн эрэгтэй ес, эмэгтэй 11 гээд нийт 20 тамирчин өрсөлдөх болно. Илгээж буй бүрэлдэхүүнийг харахад залуу тамирчид цөмийг бүрдүүлж байна. Туршлагатай, тив дэлхийд нэрээ дуудуулсан тамирчдаас Ё.Басхүү, Б.Эрдэнэбаяр, Г.Наранцэцэг, Л.Сосорбарам нар бий.

Эрэгтэй жүдочид

• К.Ёлк
• Т.Түмэнжаргал
• Ё.Басхүү
• Ө.Жанцандорж
• Б.Эрдэнэбаяр
• Ж.Гансүрэн
• О.Шинэбаяр
• А.Энхбаяр
• Ө.Пэрэнлэйжамц

Дашрамд дурдахад дархан аварга Г.Өсөхбаярын хүү Ө.Пэрэнлэйжамц эрэгтэйчүүдийн +100 кг-д хүч үзнэ.

Эмэгтэй жүдочид

• Ж.Анударь
• Г.Наранцэцэг
• Л.Сосорбарам
• Б.Уранзаяа
• Т.Ариунзаяа
• О.Оюунчимэг
• Т.Анударь
• Д.Есүй
• О.Хүслэн
• А.Адъяасүрэн
• Д.Номинзул

Токиогийн Гранд Сламд оролцох дэлхийн чансааг тэргүүлэгчдээс дурдвал Японы Санширо Мүрао, Рюүжү Нагаяама, Канадын Элнахас Шэди, Бразилын Рафаэль Мачедо, Өмнөд Солонгосын Ким Хаюн, Ли Харим, Хорватын Лара Чветко, АНЭУ-ын дээрээс оролцох Б.Хорлоодой, Португалын Коста Катарина, Гүржийн Лука Майсурадзе нар мэдүүлгээ өгчээ.