Монголын хөлбөмбөгийн шигшээг Хонг Конг, Тайванийн багууд хүлээж байна

Зүүн азийн аварга шалгаруулах тэмцээнд оролцох Монголын хөлбөмбөгийн шигшээ багийн бүрэлдэхүүн тодорчээ. Энэ удаагийн тэмцээнд Монгол Улсаас нийт 20 тамирчин оролцох бөгөөд эхний тоглолтоо арванхоёрдугаар сарын 8-нд Хонгконгийн эсрэг, хоёр дахь тоглолтоо арванхоёрдугаар сарын 11-нд Тайванийн эсрэг хийх аж. Багийн ахлах дасгалжуулагчаар Б.Гарьдмагнай ажиллах болно.

Шигшээ багийн бүрэлдэхүүнд дараах тамирчдыг дуудагдав.

Монголын шигшээ баг хамгийн сүүлд есдүгээр сарын 10-ны өдөр 2027 оны Азийн аваргын урьдчилсан шатны эрхийн төлөө Улаанбаатар хотноо Зүүн Тиморын эсрэг тоглож, 2-0 гэсэн харьцаатай хожсон. Харамсалтай нь өмнөх тоглолтдоо Зүүн Тиморт 1-4 гэсэн харьцаатай хожигдсон учир хоёр тоглолтын нийлбэр дүн 3-4 гэсэн харьцаатай тэмцээнээ өндөрлүүлсэн юм.

Монголын шигшээ баг Хонг Конгийн эсрэг албан ёсны гурван тоглолт хийж байсан ч нэг ч хожиж үзээгүй. Харин Тайванийн эсрэг таван тоглохдоо нэг тэнцэж, дөрөв хожигдсон түүхтэй.