Цахим спортын "CS2"-ийн дэлхийн аварга гэж хэлж болохуйц Мэйжорын тэмцээн энэ Бямба гаригт буюу арваннэгдүгээр сарын 30-ны өдөр Шанхай хотноо эхэлнэ. Тив тус бүрийн нийт 24 баг түүхэнд нэр алдаа дуурсгаж, ялалтын тугаа мандуулахаар "буудалцах" учиртай. Мэйжорын эрх олгох тивүүдийн сонгон шалгаруулах тэмцээн ч Шанхай хотноо өрсөлдөөнтэй, баяр, гуниг дүүрэн болж өнгөрөв.

Ази, Номхон далайн бүс нутгаас гурван баг, Америкийн бүс нутгаас долоон баг, Европоын бүс нутгаас 14 баг шалгарсан. Хамгийн сонирхолтой сонгон шалгаруулалт Европын бүс нутагт болжээ. Мэйжорын дархан аваргууд болох Данийн "Astralis", Туркийн бахархал "Eternal Fire", Саудын Арабын мөнгөний хүчээр боссон "Falcons", Өмнөд Америкийн шилдэг "9z" зэрэг багуудыг бид Шанхайн Мэйжорт харахгүй. Харин "Wildcard", "Passion UA" зэрэг гэнэтийн бэлэг барьсан багууд Мэйжорт хүч үзнэ. Мөн Европын сонгон шалгаруулалтад нэг ч хожигдоогүй босоо багууд болох "BIG", "3DMAX" нар битүү морьдоор нэрлэгдэж байна.

Та бүхэндээ Мэйжорын эрх авсан 24 багийг танилцуулъя.

•  G2
   Natus Vincere
   Vitality
   Spirit
   MOUZ
   FaZe
   HEROIC
   3DMAX
   Virtus.pro
   BIG
   fnatic
   GamerLegion
•  Cloud9
   Passion UA
   FURIA
   Liquid
   Complexity
   paiN
   MIBR
   Imperial
   Wildcard
   The MongolZ
   FlyQuest
   Rare Atom

Азийн тэргүүн баг Монголын "The MongolZ" баг тэмцээний нээлтийн тоглолтоо арваннэгдүгээр сарын 30-ны өдөр 14:00 цагаас Хятадын "Rare Atom" багийн эсрэг хийнэ.

Нийт 1.25 сая ам.долларын шагналын сантай тэмцээн арванхоёрдугаар сарын 15-ныг хүртэл үргэлжилнэ. Түрүүлсэн баг 500 мянган ам.доллар хүртэх бол баян ходоод багууд 10 мянган ам.долларын эзэд болно.