Их Британи болон холбоотон орнуудын Украинд үзүүлэх тусламжийг сулруулахын тулд Орос кибер дайн эхлүүлэх болно гэж канцлер Пэт МакФадден үзэж байна. Тэрбээр "NATO"-ийн эрх баригчдад анхааруулж, Кремлийн цахим халдагчид Их Британид хохирол учруулж болзошгүй талаар мэдэгдэх болно гэжээ.

Тэрбээр мөн Оросын 29155-р ангийг сайтар ажиглах шаардлагатайг онцолж байна. Учир нь тухайн анги Их Британи болон Европт хэд хэдэн удаа халдлага үйлдсэн гэж тайлбарлав.

Лондонд болсон "NATO"-гийн Кибер хамгаалалтын бага хурал дээр МакФадден хэлэхдээ "Оросын кибер заналхийллийг хэн ч дутуу үнэлж болохгүй. Энэ заналхийлэл бодитой" гэж онцолжээ. Түүнчлэн, өмнө нь Оросын кибер халдагчид найман удаа олон улсын хамтын байгууллагуудад халдаж байсан гэж хэлжээ. Тийм учир дахин ийм төрлийн гэмт хэрэг үйлдэхээс урьдчилан сэргийлэх аргуудыг авах ёстойг сануулжээ.

Барууны тагнуулын албаныхны хамтарсан тайлан есдүгээр сард гарсан бөгөөд үүнд Оросын 29155-р анги Украинд үзүүлэх тусламжийг санаатайгаар тасалдуулах гэж халдлага үйлдсэн хэд хэдэн хэрэг бүртгэгдсэн байна.

Мөн 2018 онд Солсбери хотод ажиллаж байсан МакФаддены охиныг тухайн ангийн албан хаагч хордуулсан байж болзошгүй гэж дурджээ. Их Британид сүүлийн хэдэн долоо хоногийн турш кибер заналхийлэл ирсний зарим нь Оросыг дэмжигч хакер бүлэглэл байх өндөр магадлалтай байгааг мөн тайланд тусгасан байна. Тиймээс МакФадден цахим аюулгүй байдлаа чангатгах шаардлагатайг "NATO"-ийн дээд хэмжээний хурлын үеэр мэдэгдэхээр төлөвлөж байна.