Монголын волейболын холбооны үндэсний дээд лигийн 2024-2025 оны улирлын "Бүх оддын тоглолт" арванхоёрдугаар сарын 1-ний өдөр буюу энэ Ням гаригт Степпе аренад болно. Монголын волейболын баяр гэж хэлж болохуйц энэ өдөр лигийн шилдгүүд нэг баг болж өрсөлдөхөөс гадна ур чадвараа уралдуулж, олон сонирхолтой байдлаар аваргуудаа тодруулах болно.

Мөн холимог оддын тоглолт болно. Урлаг, спорт, нийгмийн алдартнуудаас бүрдэх энэхүү тоглолтод хэн гялалзах вэ? Багуудын нэрс ч тодорч, тамирчдаа хуваарилжээ. Энэ жилийн хувьд багуудыг "Marvel" болон "DC" гэж хоёр хуваасан бөгөөд "Marvel" багийн онцлох тоглогч гэвэл Фантастик продакшны жүжигчин М.Баярбат. Харин "DC" багт улсын аварга О.Хангай бий. О.Хангай аваргыг шаггүй волейболчин гэж мэдэх хүмүүс нь ярьдаг. Тэгвэл үүнийг нүдээрээ харах боломж гарчээ.

Та бүхэн энд дарж, бүх оддын тасалбараа аваарай.

Тун удахгүй бүх оддын тоглолтод сонгогдсон тамирчдын нэрс болон өдөрлөгийн хөтөлбөр дэлгэрэнгүй танилцуулагдана.