Хонь

Ажлын байран дээрх өрсөлдөөнөөс болгоомжил, учир нь тэд таны алдагдсан боломжуудыг олж авах гэж байна. Бага зэрэг нийтэч байхыг зөвлөж байна. Мөн үр бүтээмжтэй ажиллахад туслах шинэ хүмүүстэй танилцаарай. Санхүүгийн тал дээр орлого нэмэгдсэн, амжилттай долоо хоног болно. Тиймээс урт хугацаандаа амжилттай байхын тулд шинэ хөрөнгө оруулалт хийх тухай бодож үзэхэд гэмгүй. Гэрт тань гэнэтийн зочин ирж магадгүй. Энэ нь таны өдөр тутмын тогтсон хэмнэлийг жаахан эвдэж магадгүй юм. Гэхдээ хэтэрхий их нэгэн хэвийн амьдралаар амьдрах нь уйтгартай учир сэтгэл санааны хямралд орж магадгүй байна. Тиймээс өөрчлөлтийг сайн талаас нь хүлээн авч, найз нөхөд, гэр бүлийн гишүүдтэйгээ цагийг хөгжилтэй өнгөрөөхийг уриалж байна.

Үхэр

Энэ долоо хоногт та урам зоригоор дүүрэн байх ба энэ нь таны эргэн тойрны хүмүүст сайнаар нөлөөлнө. Шинэ төсөл эхлүүлж, ажил дээрээ завгүй байна. Гэнэтийн зардал гарч болзошгүй тул мөнгө зарцуулалтдаа анхаарлаа хандуулаарай. Гэр бүлийнхэн тань сэтгэл санаа тайван аз жаргалтай байна. Гэрлэсэн хосууд хүүхэдтэй болох магадлал өндөр байна. Зарим нэг хүмүүс олон нийтийн арга хэмжээнд оролцож магадгүй. Хурц хоол хүнснээс татгалзаж, ходоод гэдсээ хямраахаас зайлсхийгээрэй. Дааж авсан ажлаа хариуцлагатай хийж дуусгаарай. Хэдийгээр энэ долоо хоногт асуудлууд шийдэгдэж байгаа мэт санагдах ч амьдралд гэнэтийн эргэлт хийх шаардлага гарч магадгүй.

Ихэр

Аливааг ухаалаг өнцгөөс харж, асуудлыг өөрийнхөөрөө шийдээрэй. Ажил дээрээ бусдад туслахын тулд өөрийгөө орхигдуулах вий. Албан ёсны ажил хэргийн аялал хийж магад. Мөн энэ долоо хоногт өөрийгөө таниулах боломж бүрийг алдахгүй ашигла. Бизнесийн шинэ гэрээ байгуулж магадгүй. Гэр бүлийн тань хүний эрүүл мэнд сайнгүй байна. Таны эрүүл мэнд сайн байгаа тул дасгал хөдөлгөөн, эрүүл амьдралын хэмнэлийг сонгоорой. Өнгөрсөн ба ирээдүйд санаа зоволгүй өнөөдрөөрөө амьдар. Санхүүгийн асуудлаа хойш бүү тавь. Өмнөх хугацаанд их хэмжээний зарлага гаргаж, хэн нэгэнд өртэй үлдсэн бол энэ долоо хоногт асуудлаа шийдвэрлэхийг сануулж байна.

Мэлхий

Энэ долоо хоногт ажил дээрээ илүү хариуцлагатай байж, анхаарлаа төвлөрүүлэн, хувийн өндөр зохион байгуулалттай байх шаардлагатай. Үүний үр дүнд таны гүйцэтгэл нэмэгдэнэ. Гадаадад ажиллах сайхан боломж гарч ирж ч магадгүй юм. Гадагшаа явж ажиллаж, сурах хүсэлтэй хүмүүс энэ долоо хоногт сайхан мэдээ сонсох магадлалтай байна. Мөнгөө хэрхэн зарцуулж байгаадаа дүн шинжилгээ хийж, ирээдүйдээ баталгаатай байхын тулд ухаалаг шийдвэр гарга. Хайр дурлалын амьдрал учир зүйгээ олохгүй байх магадлалтай. Эрүүл мэндээ анхаарч, гэмтэж бэртэхээс сэргийл. Ганц бие хүмүүс энэ долоо хоногт сэтгэл татам нэгэнтэй учрах болно. Гайхалтай болзоонд явж, олон нийтийн үйл ажиллагаанд идэвхтэй хамрагдаарай.

Арслан

Энэ долоо хоногт санхүүгийн хувьд аюулгүй байж, хуримтлагдсан өр төлбөрөө барагдуулах боломжтой болно. Хэн нэгэнд мөнгө зээлэхээс татгалзах хэрэгтэй. Мөн хүнээс зээл авахаас ч зайлсхий. Амьдралынхаа болон өөрийнхөө тухай эргэцүүлэн бодож, хайртай хүмүүстэйгээ илүү сайн танилц. Гэр бүлийн аялал төлөвлө. Сэтгэл ханамжаа дээшлүүлэх нь ажил, амьдралд тань ашиг тусаа өгнө. Бизнесийн шинэ санаа төрж, түүнийгээ хэрэгжүүлснээр амжилтад хүрэх боломжтой. Эрүүл мэндийн асуудал гарч болзошгүй. Ходоод, толгой зэрэг чухал эрхтнүүд өвдөж магадгүй. Ханиадны улирал эхэлсэнтэй холбогдуулан шаардлагатай эмчилгээг хийлгээрэй.

Охин

Энэ долоо хоногийн турш та завгүй байж, олон төрлийн төсөл, хөтөлбөрт хамрагдана. Дуусгаж амжаагүй олон ажлаа дуусгана. Санхүүгийн байдал сайжирна. Илүү их мөнгө олох шинэ санаа төрж магадгүй. Цахим сургалтад хамрагдаж, карьераа ахиулаарай. Мэргэжлийн ур чадвараа дээшлүүлэхэд анхаарал хандуул. Жижиг саад бэрхшээлүүдийг үл харгалзан, том амжилтын төлөө урагш алх. Ганц бие хүмүүс хайраа олох магадлалтай. Нуруу өвдөж болзошгүй тул дулаан хувцаслахыг сануулж байна. Үл хөдлөх хөрөнгийн маргаан гарч магадгүй байна. Дээд албан тушаалтан эсвэл ахимаг настай хүнээс зөвлөгөө авахыг уриалж байна.

Жинлүүр

Ажил хэргийн харилцаагаа тодорхой байлга. Танай хамт олон, багын гишүүд хамтран ажиллахдаа хойрго хандаж, та стресст орж болзошгүй. Тав тухтай бүсдээ хоргодоод байлгүй шинэ зүйл туршиж үзэхийг зөвлөж байна. Санхүүгийн эрсдэл гаргахаас зайлсхий. Аливаа шийдвэр гаргахдаа эргэлзэж байвал ойр дотнынхоо хүмүүсээс зөвлөгөө аваарай. Хүсээгүй маргаанаас зайлсхийхийн тулд хайртай хүмүүстэйгээ хүндэтгэлтэй бөгөөд үндэслэлтэй харьцаарай. Цээжтэй холбоотой эрүүл мэндийн асуудал үүсч болзошгүй. Хол замд гарахаар төлөвлөж байвал аюулгүй байдалдаа анхаарах хэрэгтэй. Энэ долоо хоногт таныг төсөөлөөгүй зүйл угтан авах болно.

Хилэнц

Ажлын байрны орчин таатай бус байснаас зорьсон зорилгодоо хүрч чадахгүй байх магадлалтай. Аливааг хөнгөн хүлээж авахыг хичээгээрэй. Ингэснээр илүү эерэг, баяр баясгалантай орчныг өөртөө бүрдүүлж чадна. Эргэн тойрондоо өөдрөг үзэл түгээхийг хичээгээрэй. Удирдах албан тушаалтнуудаасаа магтаал сонсоно. Бизнес эрхлэгчид санхүүгийн хүндрэлтэй тулгарч, төслүүд саатаж болзошгүй. Ингэснээр зээл авах шаардлага үүснэ. Оюутан, сурагчдад гадаадад суралцах боломж гарч ирнэ. Ганц бие хүмүүс энэ долоо хоногт өөртөө хамгийн их анхаарах хэрэгтэй байна. Хэт их ядаргаанаас болж буруу шийдвэр гаргаж магадгүй. Хосуудын хооронд үл ойлголцох асуудал гарсан ч шийдвэрлэж чадна.

Нум

Бизнес эрхлэгчид шинэ гэрээнд гарын үсэг зурж магадгүй. Хувийн асуудлаа шийдвэрлэхийн тулд аливаад ухаалгаар хандаарай. Ухаалаг, хүлээцтэй байсны эцэст энэ долоо хоногт удаан хүлээж байсан боломжоо гартаа оруулж мэдэх юм. Урт хугацаандаа та үүнээс ашиг хүртэнэ. Аливаа асуудлыг шийдэхдээ гэр бүлийн хүнийхээ санал, зөвлөгөөг сонсоорой. Харилцаагаа шинэ шатанд гаргахын тулд ярилц. Хүүхдүүдийн хичээл, сурлага сайн байна. Ямар нэгэн санаа зовоосон зүйл байгаа бол хөгжим сонсох зэргээр өөрийгөө тайвшруулаарай.

Матар

Энэ долоо хоногт та нөхөрлөл, гэр бүлийн харилцаагаа сэргээх боломжтой. Гэр орны асуудлуудаа цэгцэлж, ужгирсан ажлаа дуусга. Санхүүгийн луйварт өртөхөөс болгоомжил. Ажил дээрээ өөдрөг, гэгээлэг байснаар хүн бүхэн танд талархах болно. Үүний үр дүнд бусад хүмүүс ч илүү үр бүтээлтэй ажиллах боломжтой болно. Эрүүл мэнддээ анхаарч, жижиг зүйлийг ч сайн ажиглаарай. Хайртай хүнтэйгээ маргалдаж, түрэмгий зан гаргахаас зайлсхий. Аль болох гэртээ цагийг их өнгөрөөгөөрэй. Цаг агаар хүйтэрснээс болж сэтгэл санаа хямарч магадгүй. Гэхдээ түр зуурын сэтгэл санааны асуудлаас болж төлөвлөж байсан зүйлсээ хойшлуулах шаардлагагүй.

Хумх

Энэ долоо хоногт та өмнөх хөрөнгө оруулалтынхаа өгөөжийг хүртэнэ. Дотнын найз, эсвэл гэр бүлийн гишүүнтэйгээ бизнесийн түнш болох нь ашигтай. Аливаад тайван хандвал ажил мэргэжилдээ амжилт гаргах боломжтой байна. Уур хилэнгээ барьж чадахгүй бол танд л ашиггүй. Энэ нь эрүүл мэндэд муугаар нөлөөлөөд зогсохгүй ажил төрөл, бусад харилцаанд ч сөргөөр нөлөөлнө. Хувийн асуудлууд санаа зовоож, эрч хүчийг тань гундааж магадгүй. Асуудлыг даван туулахын тулд ханиасаа дэмжлэг ав. Ганц бие хүмүүс энэ долоо хоногт найзуудтайгаа цагийг өнгөрөөж, танилын хүрээгээ тэлээрэй. Гайхалтай хэн нэгэнтэй учирч магадгүй.

Загас

Энэ долоо хоногт ачаалал ихтэй байж, бие махбод, сэтгэл санааны ядаргаанд орж болзошгүй. Төсөл, даалгаврыг амжилттай удирдан чиглүүлснээр карьертаа ахиц гаргана. Гадаад улсад аялах боломж гарч магадгүй. Хайртай хүнтэйгээ үл ойлголцохоос сэргийлж, эрүүл харилцаатай байхыг эрхэмлэ. Шаардлагатай үед ахмад хүмүүсээс зөвлөгөө авахад буруудахгүй. Ходоод өвдөж магадгүй тул хоол ундандаа анхаар, стрессээс өөрийгөө чөлөөл. Аливаа сорилтод бэлэн, хүчтэй, зоригтой байгаарай. Үл хөдлөх хөрөнгө худалдан авах, санхүүжилт олгохоор төлөвлөж байвал амжилттай байна. Гэхдээ хамтран ажиллах хүмүүсээ сайтар нягтлахыг од эрхэс сануулж байна.