Зам тээврийн хөгжлийн төв ТӨҮГ-аас мэдээлж буйгаар өнөөдөр 11:30 цагийн байдлаар Төв аймгийн нийт нутгаар цас орсоноос замын зорчих хэсэгт гулгаа үүссэн, Хэнтий, Дархан, Архангай, Орхон, Булган, Багахангай, Багануур, Налайх дүүргүүдэд шөнөдөө мөн цас орсоноос замын зорчих хэсэг гулгаа үүссэн  байна.

Хэнтий аймаг "Харгуй" АЗЗА-с гурван ажлын хэсэг бэлэн байдалд байна. Тус газраас харьяалагдах авто замд шалгалт хийж байгаа бол Завхан аймаг АЗЗА-аас цаг агаар хүндэрсэн нөхцөлд ажиллах зургаан ажлын хэсэг бэлэн байдалд байна.

Бусад нутгаар цас ороогүй, тэнгэр цэлмэг, олон улс, улсын болон орон нутгийн чанартай авто замд хаагдсан зам, даваа мэдээлэл ирээгүй байна гэж мэдээллээ.