MESA буюу Монголын цахим спортын холбоо болон олон улсын букмекейрийн компани 1xBet хамтран Монголд 1xBet MESA Asia Series тэмцээнийг зохион байгуулж байгаа билээ. Тэмцээний эхний цуврал тэмцээний ялагчаар Оросын GR Gaming баг тодорсон бол хоёр дахь тэмцээн өчигдөр/2024.11.20/ эхлэв.

Өчигдөр тэмцээний эхний өдөр А хэсгийн дөрвөн багийн тоглолт болж өнгөрлөө. Харин өнөөдөр В хэсгийн тоглолтууд эхэлнэ.

1xBet MESA Asia Series-ийн нийт шагналын сан 55 мянган ам.доллар бөгөөд хоёр дахь тэмцээн нь арваннэгдүгээр сарын 20-ноос 23-ны өдрүүдэд болох хуваарьтай. Олон улсын букмекейрийн компани болох 1xBet-ийн дэмжлэгтэйгээр болж буй тэмцээнд Азийн бүсийн шилдэг найман баг онлайнаар оролцоно.

А хэсэг

• АТОХ Esports
• IHC Esports
• CatEvil
• Chinggis Warriors

B хэсэг

• GR Gaming
• The Huns Esports
• Just Swing
• SayGGTeam

Тэмцээний эхний өдөр буюу өчигдөр IHC баг эхлээд шууд ялалтыг авсан. Учир нь тэдний өрсөлдөгч CatEvil багийн бэлтгэлийн байр тог цахилгаангүй болсон гэнэ. Тэгвэл шинэчлэгдсэн АТОХ баг Anubis дээр Chinggis Warriors-ийг 13-7 гэсэн харьцаатай хожив. Улмаар дараагийн тоглолтдоо IHC багийг Nuke дээр хожиж, шууд хагас шигшээд шалгарчээ. Хожигдсон хэдий ч IHC баг хасагдах шат руу орсон аж.

Энэ хэсгээс хэн гуравдугаар байраар хасагдах шатанд шалгарах вэ гэх чухал тоглолтод CatEvil болон Chinggis Warriors багууд учраа таарч, нэмэлт цаг гарсан ширүүн тоглолтын эцэст Хятадын баг илүүрхжээ. Харамсалтай нь, Chinggis Warriors тэмцээнээ өндөрлүүллээ.

Өнөөдөр олон сонирхолтой тоглолтыг биднийг хүлээж байна. Эхлээд GR Gaming болон SayGGTeam багууд тоглоно. Тэдний араас The Huns Esports болон Just Swing багууд тоглох учиртай. Энэхүү хоёр тоглолтын ялагчид хэн нь хагас шигшээ рүү шууд шалгарах вэ гэх хариуцлагатай тоглолтыг хийнэ. Харин ялагдсан багуудыг хожигдох эрхгүй тоглолт хүлээж буй.

1xBet MESA Asia Series 2-ийн хасагдах шатны тоглолтууд маргааш болох хуваарьтай. Тэмцээний сүүлийн өдөр буюу арваннэгдүгээр сарын 23-ны өдөр хагас шигшээ болон гранд финалын тоглолтууд болно. Түрүүлсэн баг 7,500 ам.долларыг, аман хүзүүдсэн баг 2,500 ам.долларыг хүртэнэ.

Та бүхэн 1xBet MESA Asia Series 2 тэмцээнээ MESA-ийн Youtube сувгаар хүлээн аван үзэж, АТОХ, IHC, The Huns гэсэн монгол багуудаа дэмжээрэй. Мөн 1xBet MESA Asia Series 3 болон 1xBet MESA Asia Series Finals-ийн тоглолтуудаасаа бүү хоцроорой.