Цэцэрлэгийн багш бага насны хүүхэд зодож байгаа бичлэг олон нийтийн сүлжээнд цацагдсан. Энэ талаар цагдаагийн байгууллагаас тодруулахад хэргийг мөрдөн шалгаж байна гэв.

Тодруулбал, Энэ оны арваннэгдүгээр сарын 18-ны өдөр “Баянгол дүүргийн 11 дүгээр хорооны нутаг дэвсгэрт байрлах цэцэрлэгийн ахлах Б бүлгийн багшийн туслах 4 нас 9 сартай хүүхдийг удаа дараа зодож, хэрцгий хандсан байна гэх дуудлага цагдаагийн байгууллагад бүртгэгдсэн байна.  Дээрх гомдол мэдээллийг хүлээн авч Баянгол дүүргийн цагдаагийн нэгдүгээр хэлтэст мөрдөн шалгах ажиллагааг явуулж байна гэдэг мэдээллийг цагдаагийн байгууллагаас өглөө.