Лондон хотоос баруун зүгт орших Чарльз хааны Виндзор шилтгээн руу хулгайчид нэвтэрч, хоёр машин хулгайлсан байна. Уг үйлдлийг аюулгүй байдал ноцтой зөрчсөн гэж цагдаагийн байгууллага үзжээ. Их Британийн шар хэвлэл "The Sun"-ийн мэдээлснээр, аравдугаар сарын 13-нд энэ хэрэг болсон. Темза хөндийн цагдаа нар Даваа гаригт шар хэвлэлийн мэдээлэл үнэн болохыг баталсан байна. Мөн хулгайн хэрэг 23:45 цагийн орчимд болсон бөгөөд гэмт этгээдүүд хааны газар дээрх фермийн барилга руу нэвтэрчээ. Тэд "Izuzu pickup , улаан дөрвөлжин дугуй" авч зугтсан байна. Цагдаагийн байгууллага одоог хүртэл гэмт этгээдүүдийг эрэн сурвалжилж байгаа аж.

"The Sun" мэдээлснээр, баг зүүсэн хоёр этгээд хааны эдлэнд нэвтрэхийн тулд 1.83 метр хашаа давж, хулгайлсан машинаараа хамгаалалтын хаалгыг эвдэлж гарчээ. Хэдийгээр Виндзорын шилтгээн нь хаан Чарльз, Хатан хаан Камилла нарын оршин суудаг байшингийн нэг боловч хулгай хийх үед тэд шилтгээнд байгаагүй. Учир нь хаан, хатан гэргий нар Шотландад айлчилж байсан байна. Уэльсийн хунтайж, гүнж гурван хүүхдийн хамт Виндзорын шилтгээний нутаг дэвсгэрт байрлах II зэрэглэлийн дөрвөн унтлагын өрөө бүхий Аделаида зуслангийн байшинд амьдардаг. Хэрэг гардаг шөнө ханхүүгийн гэр бүл гэртээ байжээ.

Өмнө нь 2021 онд Христийн Мэндэлсний Баярын өдөр нэгэн зэвсэглэсэн эрэгтэй Виндзорын шилтгээн рүү нэвтэрч хатан хаан II Елизаветагийн амийг хөнөөхөөр завдаж байжээ. Талийгаач хатан хаан ямар ч гэмтэл аваагүй боловч хамгаалалтын алба түүний тусламж дуудаж буйг сонсоогүй байна. Энэ нь ордны аюулгүй байдлын талаар ноцтой асуудлыг өдөөж байсан юм. Хатан хааныг хөнөөх гэж оролдсон эрэгтэй нь 19 настай Жасвант Сингх Чайл байсан бөгөөд тэрбээр 2023 онд есөн жилийн хорих ял авчээ.