Соёл, спорт, аялал жуулчлал, залуучуудын яамны  Төрийн нарийн бичгийн дарга /ТНБД/-ын үүргийг түр орлон гүйцэтгэгч А.Даваажаргалаас зарим зүйлийг тодрууллаа. Тэрбээр тус яамны Стратеги, бодлого төлөвлөлтийн газрын даргаар ажиллаж байсан бөгөөд өмнөх ТНБД үүрэг ажлаасаа өөрийн хүсэлтээр чөлөөлөгдсөнтэй холбогдуулан салбарын сайдын тушаалаар яамны ТНБД-ын үүргийг түр орлон гүйцэтгэж байгаа аж.

Тэрбээр "Яамны одоогийн үйл ажиллагаа явуулж байгаа байр нь Дипломат төлөөлөгчийн үйлчилгээ эрхлэх газрын эзэмшилд байдаг. Хуучин Лаосын элчин сайдын яамны байр байсан. Үндсэн зориулалт нь айл амьдарч байсан байрыг засч тохижуулан 90 орчим албан хаагч ажиллаж байна. Засгийн газрын бүтцийн тухай хуулиар Соёлын яам дээр спорт, аялал жуулчлал, залуучуудын салбар нэмэгдсэн. Шинэчилсэн бүтцээр яам 130 хүний бүрэлдэхүүнтэй болсон. Яамны байранд шинэ бүрэлдэхүүнээрээ багтахгүй учраас шинэ байр хайхаас өөр аргагүй" гэв.

Ч.Номин сайд соёлоос гадна спорт, аялал жуулчлал, залуучуудын асуудлыг хариуцаж ажиллах болсон.