Орос, Украины дайн эхэлснээс хойш 1000 өдөр болох тун дөхөөд байна. Энэ өдрүүдэд Украины нийслэл хотын төвд байдаг Тусгаар тогтнолын талбайн жирийн ногоон зүлэг амиа алдагсдын дурсгалыг хүндэтгэх талбар болон хувирчээ. Дайнаас өмнө жуулчид тэнд зургаа авхуулж, иргэд зугаалдаг байв.

Зүлгэн дээр өдгөө Украины тугийг олон арваар нь хатган байрлуулжээ. Туг нэг бүр дээр эх орноо хамгаалж байгаад амь үрэгдсэн цэргийн нас барсан огноо, нэрийг бичжээ. Цаг хугацаа өнгөрөхийн хэрээр тугнууд олширсоор байна. Бидний төлөө амьдралаа зориулсан цэрэг эрсийг хараасай, мэдээсэй гэж хүссэндээ энэ тугийг хатгасан гэдгийг туг хатгаж буй иргэн хэлжээ.

Анхны тугийг дайны эхний жилийн тавдугаар сард хатгажээ. Энэ нь Оросын цэргүүд Киевийн бүс нутгаас гарч, нийслэл хот эзлэн түрэмгийллийн аюулаас холдсон үе юм. Улмаар зөвхөн туг хатгасан байсан газарт цэргүүдийн хөрөг зураг, шинэхэн цэцэг зэрэг уй гашууг илэрхийлсэн зүйлс нэмэгджээ.

Тусгаар тогтнолын талбай нь эртнээс нааш Украины хувьсгалын гол цөм байсаар ирсэн. Тиймдээ ч энэ газар хайртай хүмүүсээ дурсахад хамгийн тохиромжтой газар болжээ. Хотын эрх баригчид ч дурсгалын талбай орчимд ямар нэг хяналт тавьдаггүй ажээ.

Flags wave at the memorial site for those killed during the war, in Independence Square in Kyiv, Ukraine, Dec. 1, 2022. (AP Photo/Efrem Lukatsky)