Монгол Улс ХХ зууны хүн төрөлхтний улс төрийн дэвшилтэт үзэгдэл-Бүгд Найрамдах байгууллыг тунхагласан Үндсэн хуультай болсон нь Ази тивд анхдагчид тооцогддог. Азиас анх удаа, хаант засгаас бүгд найрамдах улсын тогтолцоонд шилжин хамжлагат ёсыг халж, эрх зүйн чухал зарчмыг бататгаж, шашин, төрийг зааглаж, эвлэлдэн нэгдэх, хүйс ялгахгүй тэгш эрхийн баталгаа Анхдугаар Үндсэн хуулиа баталсны 100 жилийн ой энэ жил тохиож байна. Монгол Улсын Их Хурлын 2023 оны 64 дугаар тогтоолоор, Бүгд Найрамдах Улсыг тунхаглаж, Анхдугаар Үндсэн хууль баталсны түүхт ойг 2024 оны арваннэгдүгээр сарын 26-ны өдөр улс, орон даяар тэмдэглэхээр шийдвэрлэжээ. Ойн хүрээнд түүх, эрдэм шинжилгээ, судалгаанд тулгуурласан олон ажил зохион байгуулна.