Хотын дарга Х.Нямбаатар иргэдийн эсэргүүцэлтэй нүүр тулсан ч хамаагүй гашуун шийдвэрээ үргэлжлүүлнэ гэж мэдэгдсэн. Тэрбээр өнгөрсөн амралтын өдөр мэдээлэл хийхдээ "Метроны бүх буудал газар доор байрлана. Ойролцоогоор 25-35 метрийн гүнд метроны зорчилт хөдөлгөөн явна. Манай зөвлөх үйлчилгээний баг маш олон давууу талыг санал болгоно. Монголд жилийн 365 хоногийн 200 хоног нь хасах хэмтэй хүйтэн байдаг . Монголд бүтээн байгуулалт хийх 160-200 хоног байна. Бид бүтээн байгуулалтаа ийм хугацаанд хийх боломжтой. Өртөө хоорондын зай 1.3 км байна. Нийт 13 метроны буудалны дор тодорхой худалдаа үйлчилгээний төвүүдийг байгуулна. Тодруулбал, Хархорин, Нарантуул, Дэнжийн 1000 захын худалдаа эрхлэгчдээ ажиллах боломжийг бүрдүүлнэ.

Энэ талбайд хөрөнгө оруулалт татах эрхийг нь нээж өгье. Нарантуул захынхан жилийн дөрвөн улирал гадаа сууцгаадаг. Энэ захын зам Мягмар гаригт ямар ч түгжрэлгүй болдог. Хурдны замын дагуу хоёр худалдааны төвийг байршуулах саналыг тавих гэж байна.

Баянзүрхийн хуучин товчооны тэнд байгаа гэр хорооллын айл өрхүүдийг нүүлгэж, газарт оруулна. Ингэснээр Да хүрээ, Шар хадны захыг байрлуулж, хурдны замын орц гарц дээр худалдааны төвүүдээ байршуулна. Нарантуул худалдааны төв 21 аймгийн хүнсний болон ахуйн бараа, малын эм хэрэгслийн бөөний төв болчихоод байгаа учраас Туул голын хойд хэсэгт энэ худалдааны төвийг байршуулах сонирхолтой байгаа гэдгээ эздүүдэд нь илэрхийлнэ. Бид замаа гурван жилийн дотор барина. Харин та худалдааны төвөө гурван жилд баримаар байна. Бид бодлогоор барина. Харин одоогийн газар дээр нь орон сууц барих зориулалтыг нь өөрчилж өгье гэдэг уулзалт, хэлэлцээрийг хийнэ" гэсэн юм .