Оросын төрийн өмчит кино студийн ерөнхий захирал өөрийн компанийн олон арван цэргийн машиныг батлан хамгаалах армид хандивлажээ. Тодруулбал, “Мосфильм” кино студийн ерөнхий захирал Карен Шахназаров 2023 онд хуучин ЗХУ-ын үеийн 50 цэргийн машин, үүний дотор 28 "Т-55" танкийг хүлээлгэн өгсөн байна. Тэрбээр Лхагва гаригт ерөнхийлөгч Путинтэй уулзахдаа энэ тухайгаа хэлжээ.

Ерөнхийлөгч Путин түүнийг сайшааж, “Мосфильм бол бидний бахархал” гэв.

Уг кино урлагт хэрэглэгдэж байсан машинуудыг хүйтэн дайны үед үйлдвэрлэсэн бөгөөд ямар ч эвдрэл гэмтэл байхгүй тул бүрэн ажиллана гэж Кремль мэдэгдэв. Одоогийн байдлаар, эдгээр цэргийн зориулалттай танк, машинуудыг  Украин руу илгээх эсэх нь тодорхойгүй байна. "Мосфильм" кино студи нь 190 гаруй хуягт болон бусад цэргийн машиныг эзэмшдэг юм байна.