3,410.72
Соёл, спорт, аялал жуулчлал, залуучуудын сайд Ч.Номингийн урилгаар Монгол Улсад ирсэн Барселона хөлбөмбөгийн клубийн Ерөнхийлөгч ноён Жоан Лапортатай хийсэн уулзалтанд УИХ-ын гишүүн А.Ганбаатар өчигдөр/2024.11.12/ оролцлоо. УИХ-ын БСШУС-ын байнгын хорооны гишүүний болон МХБХ-ны Зөвлөлийн гишүүний хувьд Монголын хөлбөмбөгийн ирээдүй, өсвөрийн элит хөлбөмбөгийн хөгжлийн талаар хамтран ажиллахаар санал солилцов.
Цаашид Барселона клубийн мэргэжилтнүүд МХБХ-той хамтран “Барса академи”-ийн сургалтын хөтөлбөр, арга зүйг Монголд нэвтрүүлэх, өсвөрийн хөлбөмбөгийг хөгжүүлэх, залуу тоглогчдын ур чадварыг сайжруулах чиглэлд ажиллах юм.
Дэлхийн хөлбөмбөгийн оддыг бэлтгэн гаргадаг “Барса академи”-тай хамтран ажилласнаар Монголын хөлбөмбөгийн ирээдүй, залуу үеийнхнээс маань олон улсын түвшинд хүрэх өндөр мэргэжлийн тоглогчийг төрүүлэхэд хувь нэмэр оруулна гэж итгэж байна.
Холбоотой мэдээ