Нийслэлийн Сонгинохайрхан дүүргийн хувийн өдөр өнжүүлэхэд өнгөрсөн аравдугаар сарын 28-нд нэг ой хоёр сартай хүүхэд нас барсан харамсалтай хэрэг гарсан. Тухайн үед хүүхдийг урьдчилсан байдлаар хахсанаас нас барсан гэх мэдээлэл олон нийтийн сүлжээгээр цацагдсан. Тэгвэл дээрх хэргийг Цагдаагийн ерөнхий газраас тодруулахад "Нэг ой хоёр сартай хүүхэд Өдөр өнжүүлэх газарт амиа алдсан хэргийг Сонгинохайрхан дүүргийн Цагдаагийн газраас шалгаж байгаа. Одоогоор нас барсан шалтгааныг тодруулахаар Шүүх шинжилгээний байгууллагаас нарийн шинжилгээ хийж байна. Нас барсан хүнд 30 гаруй төрлийн шинжилгээ хийдэг. Үүний ихэнх хариу гарсан байгаа.

Бүх шинжилгээний дүн гарсны дараагаар хариу тодорхой болно. Одоогоор нас барсан шалтгааныг хэлэхэд эрт байна" гэв.