Сидней хотын нэгэн сургуулийн барилга дэлхий даяар байх тэнгэр баганадсан өндөр барилга, гайхамшигтай музей, томоохон тээврийн төвүүдийг ардаа орхин "Дэлхийн шилдэг барилга"-аар нэрлэгджээ. Тодруулбал, Чиппендэйл дэх Дарлингтон сургуулийн барилга Сингапурт болсон Дэлхийн архитектурын фестивалиас шагнал хүртсэн байна.

Нийт 200 гаруй барилга уг шилдэгийн төлөө өрсөлджээ. Тухайлбал, Сингапурын Чанги нисэх онгоцны буудлын хоёрдугаар терминал, Мексикийн давхар мушгиа хэлбэртэй орон сууцны цамхаг, Киприйн Үндэсний оддын ажиглалтын төв зэрэг барилга байгууламж багтана.

Дарлингтон сургууль 2023 оны долдугаар сард бүрэн ашиглалтад орсон бөгөөд уугуул иргэдийн соёлтой нягт холбоотой. Барилгын өнгө төрх, сургалтын агуулга зэрэг нь уугуул иргэдтэй нягт холбоотой.

Сиднейд байрлах барилга дэлхийн шилдэгээр шалгарч буй хоёр дахь тохиолдол нь энэ болно. Тус хотын өмнөд хэсэгт байрлах Йелламунди номын сан дэлхийн хамгийн үзэсгэлэнтэй дөрвөн шинэ номын сангийн нэгээр нэрлэгдсэн билээ. Энэ жилийн наадамд Австралийн архитектурын загварууд нийт 12 шагнал хүртжээ. Парраматта усан спортын төв шилдэг спортын байгууламж, Брунсвик дахь Найтингейл тосгоны орон сууцнууд шилдэг орон сууцны барилгуудаар тус тус шалгарсан байна.