3,410.72
Ховд-Өлгий чиглэлийн А0305 дугаартай авто зам буюу Бураатын даваанд өнөөдөр /2024.11.11/ өглөө 06:50 цагийн байдлаар хүчтэй цасан шуурганы улмаас авто замд цас ихээр хунгарлагдаж, үзэгдэх орчин хязгаарлагдсан байна. Үүнтэй холбогдуулан Шуурхай ажлын хэсэг уртасгасан цагаар ажиллаж байгаа аж. Тиймээс цасан шуурга намжтал тус чиглэлд онцын шаардлагагүй бол зорчихгүй байхыг Зам тээврийн хөгжлийн төвөөс анхааруулж байна. Түүнчлэн:
- Улиастай-Алтай чиглэлийн 03-21км-т зорчих хэсэгт бага зэргийн цас орж халтиргаа үүссэн
- Манхан-Булган-Улсын хил чиглэлийн Бага Улаан даваа 194-204 км-т цас шуурч, үзэгдэх орчин хязгаарлагдмал болсон нөхцөл байдалтай байна.
Дээрх замуудад Шуурхай ажлын хэсэг бэлэн байдалд ажиллаж, зорчих хэсэгт тогтсон цасан хунгарыг ачигчаар цэвэрлэх ажил хийж байгаа бөгөөд хөдөлгөөн хэвийн үргэлжилж байна.
Холбоотой мэдээ