Франц-Израилийн хөл бөмбөгийн тэмцээний үеэр халдлага гаргахгүйн тулд Парисаас 4000 цагдаа, цэнгэлдэх хүрээлэнгийн 1600 ажилтныг Амтсердам хот руу илгээх болжээ. Энэ долоо хоногийн Пүрэв гаригт "UEFA" үндэстнүүдийн лиг үргэлжилж, дээрх хоёр улс учраа таарч буй. Үүнийг үзэхээр Францын ерөнхийлөгч Эммануэль Макрон Амстердам хотноо айлчилна гэж Елисей ерөнхийлөгчийн ордноос мэдээлсэн. Тиймээс аюулгүй байдлыг нэмэгдүүлж, Израиль иргэдийн эсрэг халдлага гаргахгүй байхад анхаарч байна.

Сүүлийн үед олон улсын үйл ажиллагаанд оролцож буй израильчуудын эсрэг халдлага гарах нь ихэсжээ.

Тиймээс, урьдчилан сэргийлж, аюулгүй байдлаа ханган, Парис хотноо болж буй спортын арга хэмжээнд оролцохгүй байхыг Израилийн Үндэсний аюулгүй байдлын зөвлөл Ням гаригт иргэддээ сануулж, уриалсан юм. Түүнчлэн, Парисын цагдаагийн албаны дарга Лоран Нуньес олон нийтэд анхааруулах үүднээс телевизэд хандаж, " Улс үндэстнүүдийн энгийн иргэд рүү атаа хорслоор халдах, антисемит үзэл гаргаж дээрэлхэх зэрэг үг үйлдэл бүрийг цагдаагийн байгууллагаас эсэргүүцэж, хариуцлага тооцох болно. Спортын арга хэмжээ нь эв нэгдлийн дээдлэн, чухалчилдаг тул Стад де Франс цэнгэлдэх хүрээлэнд 2500 цагдаагийн албан хаагчийг нэмэлтээр гаргах болно" гэж мэдэгджээ. Өнгөрсөн долоо хоногт Амстердам хотноо Израилийн хөл бөмбөгийн фанатууд халдлагад өртсөн хэрэг хэд хэдэн удаа бүртгэгджээ.

Ойрхи-Дорнодод болж буй хурцадмал байдлаас үүдэн баруун болон Европын орны зарим иргэд Израиль хүн руу уур бухимдлаа гаргаж, хүчирхийлэл үйлдэж буйгаа Палестиныг дэмжиж буй нэг хэлбэр хэмээн үзсэн байна.

Үүнээс урьдчилан сэргийлж Парис хотын цагдаагийн байгууллага олон нийтийн үйл ажиллагаануудад зохих ёсны хяналт шалгалт явуулж буй. Мөн Израилийн эрх баригчдаас нэмэлт тусламж хүсч, гаднын орнуудад тэмцээнд оролцож буй хөл бөмбөгийн багынхаа аюулгүй байдалд анхаарахыг сануулсан байна.  Францын Дотоод хэргийн сайд Бруно Ретайлло Баасан гаригт Франц-Израилийн тоглолт төлөвлөсний дагуу болно гэж мэдэгдэв.

Тэрбээр "Эв нэгдлийн бэлэг тэмдэг бол спорт яах аргагүй мөн. Ерөнхийлөгч Макрон өөрийн улсын баг тамирчдаа дэмжихээс гадна Амстердамд болсон халдлагыг буруутгаж, антисемит үзлээс илүү эв нэгдлийг чухалчлах нь зүйтэй гэдгийг харуулахын тулд тус хотноо айлчлах болсон" гэж сэтгүүлчдэд хэлсэн байна.