АНУ-ын Лас Вегас хотноо жүдо бөхийн “ Гранд мастерс” буюу ахмадын дэлхийн аварга шалгаруулах тэмцээн арваннэгдүгээр сарын 4-7-ны хооронд зохион байгуулагдсан юм. Тус тэмцээнээс Монгол Улсын тамирчид нэг алт, хоёр мөнгө, нэг хүрэл медаль хүртсэн амжилттайгаар өндөрлүүллээ.

Тус тэмцээний 45-49 насны 66 кг-ын жинд өрсөлдсөн Говь-Алтай аймгийн Жаргалант сумын харьяат С.Чинзориг алтан медаль, 45-49 насны +100 кг-ын жинд Б.Чинзориг мөнгө, О.Баярхүү хүрэл медаль, 50-54 насны +100 кг-ын жинд Цагдаагийн Ерөнхий газрын "Хүч" спорт хорооны дасгалжуулагч Ц.Очирбат мөнгөн медаль тус тус хүртжээ.

“ Гранд мастерс” буюу ахмадын дэлхийн аварга шалгаруулах тэмцээнд 32 орны 300 орчим тамирчин өрсөлдсөн бөгөөд Монгол Улсаас есөн насны ангилалд эрэгтэй 30, эмэгтэй 17 тамирчин оролцсон байна.