ХҮН намаас улсын төсвийн талаар мэдээлэл хийлээ.

УИХ-ын гишүүн Б.Найдалаа:

-ХҮН намаас УИХ-ын нэгдсэн чуулган болон төсвийн нэг, хоёрдугаар хэлэлцүүлэг дээр саналаа тодорхой хэлж ирсэн. Зарчмын хувьд улсын төсвийг танаж, хэрэггүй зардлыг бууруулах ёстой гэдэг дээр ХҮН намын УИХ дахь зөвлөл санал нэгтэй байгаа. Төсвийн бодлогын байнгын хороон дээр өчигдөр ХҮН намын гишүүд санал оруулж, улсын төсвийг тодотгоё гэсэн. Одоо байгаа улсын төсвийг эргэн харж, дахин батлах ёстой. Процессын хувьд төсвийн гуравдугаар хэлэлцүүлэг үргэлжилж буй энэ үед улсын төсвийг татах боломжгүй. Гишүүд өмнө нь саналаа хэлж, байр сууриа илэрхийлдэг хуультай зүйл юм. УИХ-ын тогтоол өнөөдөр гарна. Тогтоолоор улсын төсвийн тодотголын 2024 ондоо багтаан, оновчгүй зардлаа хасна. Энийг ХҮН намын гишүүд санаачлан, дэмжиж байгаа.

Шинэ парламентын анхны улсын төсөв. Улсын төсвийг боловсруулахад боодог, зохиодог, баталдаг, хэлэлцдэг, хянадаг процессыг УИХ болон Засгийн газрын түвшинд дахин засах шаардлага байна. Ирэх жилүүдийн төсөв дээр маргаан гарах ёсгүй.

Төсвийг хэн боловсруулах ёстой юм бэ гэдэг бодлого нь эхлээд батлагдах ёстой. Сангийн яам уу, Засгийн газар уу, Эдийн засаг, хөгжлийн яам уу гэдэг бодлого нь батлагдах ёстой. УИХ-ын Төсвийн тогтвортой байдлын зөвлөлтэй. Гэтэл энэ институцийг УИХ хангалтгүй ашиглаж байна. Бид УИХ-ын 2024-2028 онд ажиллах ажиллах стратеги төлөвлөгөөг батлахад санаагаа оруулсан байгаа.

УИХ-ын гишүүн Ж.Золжаргал:

-Улсын төсөв дээр гурван шатны хэлэлцүүлэг явж байна. Гуравдугаар шатны хэлэлцүүлгээс хуулиараа Засгийн газар руу буцаан татах боломжгүй ч гишүүдийн гарын үсэг цуглуулж улс төрийн акц үзүүлж байна. Одоо УИХ дээр улсын төсвийн тодотголоор шийдэхээр ярьж байна. ХҮН намын мөрийн хөтөлбөр дээр төсөв тэлэх талаар огт дурдаагүй. Улсын эдийн засагт төрийн оролцооны хэмжээ 80 хувь хүрсэн. Ингэснээр төвлөрсөн эдийн засагтай, улс төрийн тогтолцоо чөлөөтэй улс болгож байна. Тиймээс урт хугацаандаа үе шаттайгаар улс төрийн оролцоог бууруулах, эдийн засгаа нээлттэй болгох зорилготой. Төсвийн хяналтыг тогтмол хийдэг цахим платформыг байгуулахаар ярьж байна.