Сэтгүүлч Н.Өнөрцэцэгийн шүүх хурал хаалттай үргэлжилж байна. Түүний шүүх хурал өнөөдөр /2024.11.07/ өглөө 10:00 цагт эхэлсэн. Дөрвөн цагийн туршид үргэлжилж байна. Н.Өнөрцэцэгийн хэргийг Нийслэлийн Эрүүгийн хэргийн Давж заалдах шатны шүүхийн шүүгч Б.Зориг шүүж, улсын яллагчаар Н.Улсболд, Б.Энх-Эрдэнэ нар оролцож байгаа юм байна.

Одоогоор шүүхийн байрны гадаад хэвлэл мэдээлэл, түүний ар гэр, холбогдох байгууллагуудын төлөөлөл, УИХ-ын зарим гишүүд хуралдааны шийдвэрийг хүлээж байна.

УИХ-ын гишүүн Ж.Баярмаа шүүх хурлын нөхцөл байдлын талаар мэдээлэл авахаар Нийслэлийн давж заалдах шатны шүүх рүү орсон ч хаалттай шүүх хурал учраас хэн ч орох боломжгүй гэдгийг дамжуулсан юм.

Сэтгүүлч Н.Өнөрцэцэгийн өмгөөлөгч П.Эрхэмбаяр "Н.Өнөрцэцэгт холбогдох хэргийг нээлттэй шүүх асуудлаар шүүхээс тоймлоод хаалттай явах үндэслэл байна гэж үзсэн. Харин өмгөөлөгч энэ мэдээг гарахаас өмнө эрхзүйн орчны талаар боломжтой эсэхийг хэлж байсан. Шүүх хуралдаан нээлттэй явах хуулийн зохицуулалттай. Хоёр л үндэслэлээр хаалттай явдаг. Нэгдүгээрт, бага насны хүүхдийн эрхтэй холбоотой асуудал, хоёрдугаарт, төрийн нууцтай холбоотой асуудал. Гэтэл энэ ганц төрийн нууцтай холбоотой хэрэг биш. Өөр хэргүүд байгаа учраас тэдгээрээс тусгаарлах боломж байгаа. Өөрөөр хэлбэл тэрийг хадгалсан гэдгээр буруутгаж байгаа бол хэн нэгэн тэрийг гаргасан байж таараа. Тэрэнтэй холбоотой хэсгийг тусгаарлах логик харагдаад байна. Тэгэхээр үүнийгээ тусгаарлаж байгаад иргэдийн итгэх итгэл шүүх яаж үйл ажиллагаагаа яаж явуулдгийг харуулах боломжтой учраас нээлттэй хийгээд өгөөч гэсэн. Гарч ирээд мэдээлэл өгнө. Энэ салбарт ажиллаж байгаа өмгөөлөгчийн хувьд би шүүхэд итгэж байна" гэсэн юм.

Шүүх хурал 14:10 цагт түр завсарлана.