Курск мужид Хойд Солонгосын бие бүрэлдэхүүн Орост дэмжлэг үзүүлж байна гэж Киев мэдэгдэж, тус хоёр орны хамтын ажиллагааг анхааруулж байгаа. Гэсэн хэдий ч Путин Киевийн мэдэгдлийг үл харгалзан Хойд Солонгосын Гадаад хэргийн сайд Чое Сон Хуйг хүлээн авч уулзлаа. Путины хэлснээр, Чое Сон Хуй Оросын үндэсний эв нэгдлийн өдөр буюу бүх нийтийн амралтын өдөр Москвад хүрэлцэн иржээ.

Тэрбээр удирдагч Ким Жон Уны өмнөөс Путинд халуун дотно, нөхөрсөг мэндчилгээ илгээсэн гэж орон нутгийн хэвлэлүүд мэдээлсэн байна.

Эх сурвалжийн мэдээлснээр, Чое Сон Хуй өнгөрсөн долоо хоногийн Мягмар гаригт Владивостокийн алс дорнодын боомтоор дамжин Москвад ирсэн аж. Үүнээс өмнө тэрбээр зургаан долоон хоногийн өмнө мөн адил айлчилж байжээ. Өнгөрсөн Баасан гаригт Чое Сон Хуй Оросын Гадаад хэргийн сайд Сергей Лавровтой уулзаж, цэргийн хамтын ажиллагааны талаар ярилцсан гэх мэдээлэл байна. Гэхдээ Кремлийн зүгээс Чое Сон Хуйгийн айлчлалын талаар ямар ч албан ёсны мэдэгдэл хийгээгүй байсан юм.