“И-Монгол академи” УТҮГ, "Титан Си Ар Эй ЗМС" ХХК- ийн Сайнскор зээлийн мэдээллийн сан хамтран зээлийн онооны лавлагааг цахимжуулжээ. Тодруулбал, иргэн та аль ч банкны зээлдэгч байсан зээлийн мэдээллийн санд дүн шинжилгээ хийж хувь бүр оноотой болох боломтой болж байгаа аж. Энэ нь 300-800 онооны хооронд байх юм. Хүн бүр зээлийн оноотой болсноор хар жагсаалт гэх ойлголт байхгүй болж өөрийн цуглуулсан оноогоороо зээлжих зэрэглэлээ тогтоолгох юм байна.

Зээлжих зэрэглэлийн оноотой болсноор зээлдэгчид болон санхүүгийн салбарт харагдах учраас зээлийн мэдээллийн лавлагаа хэрэггүй болж оронд нь зээлийн онооноос хамаарч олгох зээлийн хэмжээ шийдэгдэх юм.

FICO Score нь зээлдэгчийн зээлээ төлөх магадлалыг үнэлэн тоон утгаар илэрхийлдэг эрсдэлийн үнэлгээний аргачлал юм. Энэ нь олон улсад хүлээн зөвшөөрөгдсөн, хамгийн түгээмэл ашигладаг зээлийн онооны загвар бөгөөд зээлдэгчийн эрсдэлийг  300-850 оноогоор илэрхийлдэг байна. Тус оноо нь өндөр байх тусам тухайн зээлдэгч нь сайн буюу зээлээ эргэн төлөх магадлал өндөр, эрсдэл багатай зээлдэгчийн жагсаалтад орох юм. Уг үйлчилгээг авахын тулд “E-Mongolia” системд өөрийн бүртгэлээрээ нэвтрэн орж хайлтын хэсэгт зээлийн онооны лавлагаа /Fico Store/ үйлчилгээний нэрийг оруулан хайлт хийснээр лавлагаагаа авах боломжтой юм.