Өмнөд Солонгосын бэлэн гоймонгийн экспорт энэ онд анх удаагаа нэг тэрбум ам.доллар даваад байна. Тус улсын Хөдөө аж ахуй, хүнс, хөдөөгийн яамнаас мэдээлснээр энэ оны эхний 10 сарын байдлаар экспортын хэмжээ 1.02 тэрбум ам.долларт хүрч өнгөрсөн оны мөн үеэс 30 хувиар өсчээ. Энэ нь дэлхийн хэмжээнд солонгос бэлэн гоймонгийн эрэлт нэмэгдсэнийг илтгэнэ. Өнгөрсөн оны экспорт 952 сая ам.доллар байсан бол энэ оны экспорт ердөө 10 сарын дотор тухайн үзүүлэлтээс давсан гэсэн үг. Цаашдаа оны эцэс гэхэд экспортын хэмжээ 1.2 тэрбум ам.долларт хүрнэ гэж таамаглаж байна.

Экспортын бэлэн гоймонгийн гол зах зээл нь Хятадад байна. Хятадын экспорт 18.6 хувиар нэмэгдэж, 210 сая ам.долларт хүрсэн. Харин АНУ-ын экспорт 65 хувиар өсч, 180 сая ам.долларт хүрчээ. Нидерланд, Япон, Их Британи зэрэг улс ч бас экспортын гол чиглэл болоод байна.

Бэлэн гоймонгийн экспортын өсөлт нь солонгос контент, тэр дундаа олон ангит кинотой холбоотой гэж яамны албан тушаалтнууд хэлжээ. Энэ чиг хандлагын хариуд үйлдвэрлэгчид чанартай бүтээгдэхүүнээ идэвхтэй хөгжүүлж, гадаад дахь жижиглэн худалдааны цэгүүдэд идэвхтэйгээр бүтээгдэхүүнээ хүргэх болсон.

"Нэг тэрбум ам.долларын экспорт нь 2.07 тэрбум ширхэг бэлэн гоймонтой тэнцэнэ. Эдгээр гоймонг нийлүүлбэл дэлхийг 2600 удаа хангалттай тойрно" гэж холбогдох яамны сайд Сүн Ми-рюнг хэлжээ. Мөн дэлхийн найман тэрбум хүний дөрөвний нэг нь солонгос бэлэн гоймонг туршиж үзжээ.