3,415.19
Их эзэн Чингис хааны мэндэлсний 862 жилийн ой, өвлийн эхэн сарын шинийн нэгэн буюу Монгол бахархлын өдөрт зориулсан хүчит 128 бөхийн барилдаан энэ Бямба гаригт Монгол бөхийн өргөөнд болно. Энэ жилээс эхлэн түрүүлсэн бөхөд "Их хааны цом"-ыг гардуулах гэнэ. Тэгвэл анхны цомын эзэн хэн байх вэ?
"Их хааны цом" гэдэг утгаараа өндөр цолтнууд бүгд л барилдах шинжтэй. Дархан аварга Н.Батсуурийн хувьд шинэ цолтойгоо хараахан зодоглоогүй байгаа. Энэ ч утгаараа түүнийг ирэх Их эзэн хааны барилдаанаар алдар цолоо анх удаагаа дуудуулж, анхны даваагаа авах болов уу гэж бөх сонирхогчид хүлээж байна. Түрүүлэхийг ч үгүйсгэхгүй. Харин П.Бүрэнтөгс аваргын тухайд амралтаа дуусгаж, өргөөний барилдаанд эргэн ирсэн. Эхний барилдаандаа доогуур даваанд унаж, хийгээ гаргах шиг.
Тэгвэл түрүүлж үзээгүй барилдаан тун цөөн үлдсэн О.Хангай аваргыг "Их хааны цом"-д түрүүлэх хамгийн өндөр магадлалтай бөхөөр нэрлэж байна. Өмнө нь үзүүрлэж, шөвгөрч байсан амжилтаа энэ удаад түрүүгээр ахиулж, "Их хааны цом"-ыг хүртсэн анхны бөх болно гэж олон хүн харж буй. Түүний хувьд намрын нээлтийн барилдаанд түрүүлснээсээ хойш барилдаагүй.
Мөн улсын арслан Ц.Бямба-Отгон намраас хойш барилдаан алгасаагүй. Нийслэлийн ойн барилдаанд тааруу барилдсаныг нь эс тооцвол зодоглосон барилдаан бүртээ дээгүүр амжилт үзүүлсэн. Энэ ч утгаараа түүнийг түрүү, үзүүрт харж байна. П.Бүрэнтөгс аварга шиг цацаа, залгиа ихтэй түүний унаж, давах нь түүний асуудал гэж буй.
Намрын нээлтийн барилдаанаас хойш улсын начин цолтнууд тунчиг өнгөтэй байгаа. Дурдвал, Н.Батчулуун, Б.Түвшинтөгс, Д.Амарсайхан нар тунчиг сайн байгаагаа харуулсан. Тэднээс гадна аймгийн хурц арслан Н.Өсөхбаяр, Д.Алтанцоож нарыг дурдах хэрэгтэй. Өнгөрсөн наадмаар цол ахих гээд дутуудсан тэд намраас эхлээд өнгөтэй барилдаж байна.
Ирэх Бямба гаригийн барилдаанд өнгөрсөн наадмаар цол ахисан бөхчүүд барилдах сурагтай. Энэ ч утгаараа чансаа өндөр, улсын цолтнууд олон барилдаан болох шинжтэй.
Та бүхэнд "Монгол бахархлын өдөр"-ийн барилдаанд түрүүлсэн бөхчүүдийг танилцуулъя.
- 2023 он: Улсын арслан Ц.Бямба-Отгон түрүүлж, улсын заан Б.Бат-Өлзий үзүүрлэв.
- 2021 он: Улсын гарьд Ө.Бат-Орших түрүүлж, улсын аварга О.Хангай үзүүрлэв.
- 2019 он: Улсын начин Н.Баярбаатар түрүүлж, улсын арслан Б.Орхонбаяр үзүүрлэв.
- 2018 он: Улсын заан Д.Анар түрүүлж, улсын заан Б.Бат-Өлзий түрүүлэв.
- 2017 он: Улсын гарьд Н.Ганбаатар түрүүлж, улсын харцага Э.Даш үзүүрлэв.
- 2016 он: Улсын арслан Р.Пүрэвдагва түрүүлж, улсын харцага Э.Даш үзүүрлэв.
- 2015 он: Улсын аварга П.Бүрэнтөгс түрүүлж, улсын начин Л.Цэрэнтогтох үзүүрлэв.
- 2014 он: Улсын гарьд Ө.Бат-Орших түрүүлж, улсын аварга С.Мөнхбат үзүүрлэв.
- 2013 он: Улсын аварга Ч.Санжаадамба түрүүлж, улсын аварга С.Мөнхбат үзүүрлэв.
- 2012 он: Улсын аварга Ч.Санжаадамба түрүүлж, улсын арслан Ц.Содномдорж үзүүрлэв.
Нэргүй 2024-10-30 66.181.189.211
Хангай Батөлзий 2-н аль нэг нь түрүүлнэ
Нэргүй 2024-10-30 66.181.189.211
ХАНГАЙ ЖААХАН ЗОЛБООЛОГ ҮЗЭЛДЭЭ. БИТИЙ ХӨШҮҮН ГОРГОР ЦАРИАЛААД БАЙ .БӨХИЙН ЦӨЛОНДЧ БАЙДАГ ЦОГ , ЗАЛЬ БАС САМАМСАРГҮЙ ОРСОН ҮГ ЛАВ БИШ юм шүү !!!
Нэргүй 2024-10-30 103.57.93.28
Хааны төрсөн өдрөөр Халх хүн түрүүлнэ
Нэргүй 2024-10-30 202.126.88.216
ЦОМ НЬ ПУУЖИН ЮМ УУ
Зочин 2024-10-30 117.111.2.68
2023 онд Бат-Өлзий заан үзүүрлээгүй. Лхагвагэрэл заан үзүүрлэсэн. Бямба-Отгон арслан одоогоор Бат-Өлзий зааныг давж үзээгүй байгаа
Зочин 2024-10-30 202.9.40.72
Бат Өлзий зааныг түрүүлэх байх гэж бодож байна
Зочин 2024-10-30 103.9.90.100
Энэ зураг дээр байгаа нөхөр л хүртэнэ. Харин ч нэг Ванга шиг хэлчихий.
Зочин 2024-10-30 139.5.216.35
Их хааны цом гэнэ үү, бөхчингүүдэд их хааны нэр, цом арай хүнддэх байлгүй, хирээ мэдэж элийрмээр
Энх 2024-10-30 202.126.90.141
Улсын арслан Бямба-Отгон түрүүлнэ
zochin 2024-10-30 203.91.115.246
byamba otgon turuuleeguishuu
jgfhu 2024-10-30 202.9.40.6
т/а шалглт авчийн гэж нэр зүүсн шаарууд. Хулгайн арга замаар орсон оруулсн зулбасгуудыг зайлуул. Хулгай замаар орчод нэг их хууль дүрэм ярьсан шаар дураара бичиг тдрхлолт нэхсн шаар муугаа мэдэхгүй буруу ажиллаж бж буруугаар зүтгсн хог.