Израилийн парламент палестин дүрвэгсдэд үйлчилгээ үзүүлдэг НҮБ-ын Дүрвэгсдийн агентлагийн үйл ажиллагааг хориглох шийдвэр гаргажээ. Энэ нь эзлэн түрэмгийллийн дор амьдарч буй сая сая палестин хүнийг гамшигт үр дагаварт хүргэж болзошгүй юм. Тус агентлаг үйл ажиллагаа эрхлээд ойролцоогоор найман жил болж байна.

Израилийн парламент Даваа гаригт хоёр хуулийн төсөл баталжээ. Нэг нь Дүрвэгсдийн агентлагийг Израилийн нутаг дэвсгэрт үйл ажиллагаа явуулахыг хориглох байсан бол нөгөө нь Израилийн эрх баригчдыг тус агентлагтай бүх төрлөөр холбоо тогтоохыг хориглов. Эхний хуулийг 92 гишүүн дэмжиж, 10 нь эсэргүүцсэнээр батлагджээ. Харин хоёр дахь нь 87 хүний дэмжлэг авч, 9 хүн нь эсрэг санал өгсөн байна.

Энэхүү санал хураалт нь олон улсын хууль тогтоомжийг зөрчсөн бөгөөд НҮБ-ын Дүрвэгсдийн агентлагийг гутаан доромжилсон үйл явдал байсан гэж НҮБ-ын Эрдэм шинжилгээний байгууллагын ерөнхий комиссар Филипп Лазарини шүүмжлэв.

Санал хураалтын өмнө АНУ-ын Төрийн департамент Израилийг хууль батлахгүй байхыг уриалжээ. Тус агентлаг одоогийн байдлаар Газын зурвас юугаар ч орлуулшгүй чухал үүрэг гүйцэтгэж байгааг АНУ онцолсон юм.

НҮБ-ын Дүрвэгсдийн агентлаг нь Ойрхи Дорнод даяар 5.9 сая орчим дүрвэгчид үйлчилдэг. Тэдний ихэнх нь Газын зурвас, Баруун эрэг, Зүүн Иерусалим дахь дүрвэгсдийн хуаран, Йордан, Ливан, Сирид байна. Дайны хөлд үрэгдээд буй Газын зурваст л гэхэд 1.7 сая палестин дүрвэгч агентлагийн үйлчилгээг авч байна. Харин Баруун эрэг болон Зүүн Иерусалимд 871,500 дүрвэгч тусламж авч байна.

Газын зурваст агентлагийн 13 мянга гаруй ажилтан ажилладаг бол Баруун эрэг болон Зүүн Иерусалимд 4000 орчим ажилтан бий.

Израилийн хууль тогтоогч Юлия Малиновский хуулийн төслийн талаар ярихдаа "НҮБ-ын Дүрвэгсдийн агентлаг хүүхдүүдийг Израилийг үзэн ядахад сургаж, антисемитизмийг түгээж байна. Мөн палестинчуудад Израильд буцаж ирэх боломжтой гэсэн ухуулгыг хийж байна. Ийм зүйл болохгүй" гэжээ.