Японы бүх нийтийн сонгууль Ням гаригт болж өнгөрлөө. Санал хураалтын дүн санаснаас эсрэгээр гарч, Либерал ардчилсан нам 15 жилийн дараа анх удаа хүчирхэг доод танхим дахь парламентын олонх байдлаа алджээ. Либерал ардчилсан нам 1955 оноос хойш бараг тасралтгүй төр барьсан билээ.
Амьжиргааны өртөг нэмэгдэж, инфляци өссөн, авлигын дуулиан дэгдсэн зэрэг хүчин зүйл нь дэлхийн дөрөв дэх том эдийн засгийг улс төрийн тодорхойгүй байдалд унагав. Сонгогчид засгийн газарт үл итгэх байдал, бухимдлаа саналын хуудсаараа дамжуулан илэрхийллээ.
Либерал ардчилсан нам болон түүний эвслийн түнш Комэйто нам нийлээд Төлөөлөгчдийн танхимын 465 суудлын ердөө 215-ыг нь авчээ. Олонх болохын тулд 233 суудал авах шаардлагатай. Харин Японы Үндсэн хуульт ардчилсан нам 148 суудал авч, 98 суудлаа мэдэгдэхүйцээр ахиулжээ.
Сонгуулийн үр дүн шинэ ерөнхий сайд Шигэрү Ишибагийн хувьд томоохон цохилт болж байна. Тэрбээр Даваа гаригт "Сонгогчид Либерал ардчилсан намыг маш хурцаар шүүлээ. Үүнийг нухацтай бөгөөд хүндэтгэлтэйгээр авч хэлэлцэх ёстой" гэжээ. Мөн ерөнхий сайдын албан тушаалаасаа огцрохгүй гэж мэдэгдэв.
Либерал ардчилсан нам эрх мэдлээ хадгалж үлдье гэвэл бусад намыг эвсэлдээ оруулах, эсвэл цөөнхийн засгийн газраар дамжуулан удирдахыг оролдох боломжтой. Гэсэн ч энэ хоёр хувилбар хоёулаа Ишибагийн албан тушаалыг эрсдэлд оруулж болзошгүй.
Молор 21 минутын өмнө 202.9.41.15
япон агуу гүрэн хөгжлөөр дэлхийд тэргүүлж байгаа ёс суртахуун өндөр ард түмэн өндөр боловсролтой
зочин 53 минутын өмнө 66.181.184.126
Либерал ардчилал дарангуйлагч луйвар авлиг хулгайн анхдагч эх үүсвэр мөхөл ирж байгаа энэ кк